"بتقولى كنت بتسلى".. زوج للقاضى : مراتى بتبعت صورها من غير هدوم للرجالة على الواتس آب

“بنتى شافت أمها بتكلم راجل غريب على التليفون ولما واجهتها سابتلى البيت”.. بتلك الكلمات روى زوج لتحيا مصر فى بث مباشر عن خيانة زوجته له وإكتشافه للأمر من خلال تطبيق الواتس آب .

بنتى جت قالتلى ماما بتكلم راجل غريب

بدأ الزوج حديثه لتحيا مصر :" أنا ومراتى متجوزين من 15 سنة وعندنا ولد وبنت حياتى مع مراتى كانت مليانة تقصير من ناحيتها للبيت والأهتمام بمسؤولية ولادنا وحتى تجاهى أنا كجوزها كنت دايماً لما بحب أشوفها بترقصلى وبتدلعنى كانت بترفض وتعاملنى معاملة وحشة لحد ما فى مرة فة الفترة الأخيرة لقيت مراتى من نفسها شغلت مزيكا وبدأت ترقصلى من نفسها وكان باين على ملامحها وتصرفاتها الأحساس بتأنيب الضمير ناحيتى وعشان كدة كانت بتحاول تصلح الدنيا بينى وبينها والتصرف ده دخول جوايا شكوك ناحيتها أنها تكون بتعمل حاجة من ورايا وفعلاً ربنا نورلى بصيرتى وجت بنتى الكبيرة قالتلى " أنا شوفت ماما بتكلم راجل غريب على الواتس آب أقرع وبدوجلز وبتبعتله تقوله أنا عمرى ما عملت كدة قبل كدة ".

قالتلى كنت بتسلى ولو أشتكيت لأهلى مش هيصدقوك

وتابع الزوج حديثه :" أول ما بنتى قالتلى كدة واجهت مراتى بكل اللى أنا عرفته و قالتلى " لا محصلش أنا ببقى  بكلم واحدة صاحبتى " ولما كلمت صاحبتها عشان اتأكد منها بنفسى قالتلى " أنا بكلم مراتك على المسنجر مش على الواتس آب " روحت قررت أمسك تليفون مراتى وأفتشه ولقيت أنا فعلا بتكلم راجل على أكتر من تطبيق واحد وبيتكلموا أكنهم يعرفوا بعض من سنين ومسجلة أسمه على التليفون بأسامى بنات وعاملة لنفسها صفحات وهمية عشان تعمل كدة براحتها ولما شوفت كل ده بعينى قالتلى " عادى أنت حابسنى طول الوقت بين أربع حيطان وأنا كنت بتسلى ولو فكرت تشتكينى لأهلى مش هيصدقوك وهيصدقونى أنا ".

كلمت عشيق مراتى وضربتها علقة موت لحد ما سابتلى البيت 

وأختتم الزوج حديثه :" مراتى لما ردت عليا الردود دى خدت أسكرينات باللى شوفته على تليفونها ونقلتها على تليفونى وخدت رقم عشيقها وكلمته من رقمى أنا راح رد عليا وبعتلى صور مراتى من غير هدوم وقالى " مش دى اللى أنت واجع دماغى بيها اللى عنده معزة يربطها " محستش بنفسى غير وأنا بضرب مراتى وبديلها علقة موت لحد ما سابتلى البيت والعيال وراحت لبيت أهلها وأنا رفعت عليها قضية إنذار طاعة عشان أرجعها البيت غصب عنها ومش هطلقها عشان عندى منها عيال ومش عايزهم يتحرموا من أمهم وبدعى عليها من قلبى أنها تشرب من نفس الكاس اللى هى شربتنى منه ".