ليلى زاهر تكشف موقف والدها من تعاونها في تلت التلاتة مع غادة عبد الرازق رغم خلافهما

كشفت الفنانة الشابة ليلى أحمد زاهر، عن موقف والدها من مشاركتها في مسلسل تلت التلاتة بطولة النجمة غادة عبد الرازق، و المقرر عرضه في السباق الرمضاني المقبل 2023.

تحيا مصر يرصد موقف والد ليلى زاهر من تعاونها مع غادة عبد الرازق.

تصريحات ليلى زاهر

وقالت ليلى زاهر، خلال لقائها مع برنامج ET بالعربي: بابا بيفصل خلافاته الشخصية وشغله عن بناته، بيفكر إزاي الدور هيفيدني، وطبعا أستاذة غادة عبد الرازق ممثلة قوية، وأنا أحب أقف أمام المدرسة دي في التمثيل، وقالي طبعًا اشتغلي.

وأضافت عن تفاصيل شخصيتها بالمسلسل: بعمل شخصية اسمها ياسمين، وهي ابنة غادة عبد الرازق، والشخصية هيحصلها تطورات كتير على مدار المسلسل.

قصة مسلسل تلت التلاتة

وتدور أحداث مسلسل "تلت التلاتة" الذي يُعرض في رمضان 2023 ، يقع محمد القس في حب الفنانة مي سليم، والتي تشاركهما في بطولة المسلسل، كما يشارك في المسلسل أيضًا عدد من الفنانين أبرزهم، أحمد زاهر، أحمد مجدي، ليلى أحمد زاهر، محمد القس، صلاح عبدلله، مصطفى دروويش، وغيرهم.

وتعود غادة عبدالرازق إلى مسلسلات رمضان هذا العام بعد غيابها العام الماضى، اذ قدمت آخر أعمالها مسلسل «لحم غزال» في رمضان 2021، وشارك في بطولته شريف سلامة، مى سليم، وفاء عامر، عمرو عبدالجليل، جيهان خليل، أحمد صفوت، محمد شاهين، وليد فواز، أشرف عبدالغفور، أحمد خليل، خالد كمال، رحاب الجمل، هاجر عفيفى، وكان من تأليف إياد إبراهيم وإخراج محمد أسامة.

على الصعيد الآخر، أدى الفنان أحمد زاهر  وعائلته مناسك العمرة، ونشرت ابنته الفنانة ليلى زاهرعلى صفحتها بموقع التواصل الاجتماعى  انستجرام عدة صور تجمعها بعائلتها من داخل الحرم المكى، و"علقت الحمد لله ".

ليلى زاهر تطرح أولى أعمالها الغنائية

طرحت الفنانة ليلي أحمد زاهر، أغنيتها الأولى بعنوان «كلمة أخيرة» على قناتها على موقع التواصل الاجتماعي «يوتيوب»، وهي أولى أغنياتها من كلمات محمد حسن وألحان وتوزيع إسلام زكي، ومدير التصوير جلال الزكي وإخراج هشام جمال، وهي أغنية درامية وتم تصويرها على طريقة الفيديو كليب في لبنان وسط الثلوج والطبيعة الخلابة تناسباً مع أجواء الشتاء.

كلمة اخيرة كلمات

أنا من زمان خوفتنى
هزيتلى ثقتى وسبتنى
جيتلك عشان كان نفسى أعيش
وأنا جيا أعيش موتنى
بقى دى النهاية وده اللى بتحاسب عليه
أنا من زمان خوفتنى
ولغيت مشاعرى هزمتنى
إزاى هقول وبأى عين
شوفتك ف يوم بتحبنى
جاوب سؤالى وقولى مره كسبت إيه

حكايات وعود مين اللى قال
مش برضه كان إحنا
مين اللى علقنا ف غرام
وأذانا و جرحنا
حكايات وعود مين اللى قال
مش برضه كان إحنا
لو كان راحتنا ف الفراق ده ياريته ريحنا

و نهاية حبى فيك فى كلمة أخيرة ليك
محتاجه أنام
وأصحى ف يوم ألاقي قلبى نسيك
أنا طول حياتى كلها
حابسه مشاعرى لوحدها
قافله عليها الباب عشان
ماتجيبش حد يذلها

أنا كنت فاكرة ده اللى هيجيب الأمان
وأما فتحت الباب لقيت
أذيتها ومعاها إتأذيت
ياريت فضلت لوحدى يوم
ولا حد قرب منها
ولا حد حاول يبقى ليه أصلا مكان

حكايات وعود مين اللى قال
مش برضه كان إحنا
مين اللى علقنا ف غرام
وأذانا و جرحنا

حكايات وعود مين اللى قال
مش برضه كان إحنا
لو كان راحتنا ف الفراق
ده ياريته ريحنا

شكرآ عشان بإيديك قطعت علاقتي بيك
مستغربه إزاى ف يوم وقفت حياتي عليك