رامي جمال يطمأن الجمهورعلى حالته الصحية: التعب مش اختياري وبدأت أتحسن

طمأن الفنان رامي جمال كل متابعيه على صحته وذلك عبر حسابه الرسمي على موقع تبادل الصور الشهير انستجرام من خلال خاصية استوري .

تحيا مصر يرصد الرسالة التي وجهها رامي جمال للجمهور.

رامي جمال: شكرا لك حد دعالي

وظهر الفنان رامي جمال في مقطع فيديو من داخل سيارته وتحدث مع متابعيه وقال: صباح الخير لكل الجمهور الجميل، أنا الحمد لله بدأت أحس إني بتحسن، وبطمنكو وإن شاء الله الالتزامات الفنية  الجاية أكون قدها متقلقوش، وشكرا لكل حد دعالي وشكرا لجمهور جدة اللي شافني قبل كدة أربع أو 5 مرات وأنا في قمة فوقاني ..والمرة دي كعادته الكريمة كان هو الجمهور والفنان وكل حاجة شكرا بس هوالتعب مش إختياري وشكرا يا حبايبي جدا"

وتابع حديثه:" من أكتر التعليقات اللي بقراها وعجباني من الجمهور المصري العسل  بيقولي لا انت لازم تخف انا عندي فوتو داي يوم السبت قدامك النهاردة وتكون خفيت وناس حجزت لحفلتي أنا وتامر عاشور في زيد بارك الجمعة الجاية ومعلش بقى فرصة لاني ساعتها مكنتش قادر أتكلم .. التأجيل أول مرة مكنش بسببي ومكنش اختياري .. وانا أكتر فنان بيزعلني جدا موضوع تغيير الميعاد دة لأني انا عارف ان كل واحد بيبقى مرتب نفسه على حاجة الأمن كان شايف ان العدد الكبير الموجود المكان الأولاني بتاع الحفلة مكنش مناسب بالنسبة له ودي حاجة ولا انا ولا تامر نقدر نعرفها "

وأنهى حديثه :" خلو بالكوا عشان الدور اللي موجود اليومين دول دة مجاش خلال ال3 سنين بتاع الكرونا بالصعوبة دي،ولا  الأدوية  بتنفع ولا حاجة بتنفع وهو تركيزه كله المرة دي على الحنجرة والزور والرئتين والعضم .. دور مرهق جدا جدا جدا ربنا يحفظكم انتو وحبايبكو وخلو بالكو".

رامي جمال يتعرض لوعكة صحية شديدة

والجدير بالذكر أن الفنان رامي جمال قد أعلن في الأيام الماضية عبر صفحاته على مواقع التواصل المختلفة عن تعرضه لوعكة شديدة وقال:"في حياتي مشوفتش تعب بالصعوبه دي عملت كل حاجه وخدت كل حاجه ودور عنيد جدا دعواتكم" وتفاعل معه المتابعين وعدد من الفنانين وتمنوا له الشفاء العاجل.