رئيس برلمانية الشعب الجمهوري يتساءل بعد حديث أبو شقة عن رسم إجباري:احنا محتاجين من علمائنا بالخارج فلوس ولا علم وتطوير؟

وجه النائب إيهاب وهبه رئيس الهيئة البرلمانية لحزب الشعب الجمهوري بمجلس الشيوخ،  الشكر للنائبة هيام بنيامين على  مناقشة طلبها الخاص بسياسة الحكومة التحفيزية للمصريين بالخارج، قائلا: ياريت نشوف ليه أنشأت وزارة الهجرة لأن المصريين بالخارج هم ثروة قومية تعادل قناة السويس ويمكن أكتر شوية.

احنا محتاجين من علمائنا بالخارج فلوس ولا علم وتطوير

و أضاف وهبه:  وزارةالهجرة أنشأت مش بس علشان تهتم بتحويلات المصريين، مصر لها حوالي 850 ألف عالم وخبير يعملون في كافة الدولة، منهم حوالي 1250 يعملون في تخصصات نادرة، متسائلا: هل احنا محتاجين أن الناس دي تحولنا فوس و محتاجين أن الناس تحولنا أفكار و  مشروعات وتساعد الدولة تكنولوجيا وتساعد الدولة في التقدم؟.

السياسيات التحفيزية للمصريين بالخارج

جاء ذلك خلال الجلسة العامة لمجلس الشيوخ و التي تشهد مناقشة طلب المناقشة العامة المقدم من النائبة هيام بنيامين، بشأن استيضاح سياسة الحكومة حول السياسيات التحفيزية للمصريين بالخارج و الترويج للمبادرات و الإجراءات التي تسهم في دعم مدخراتهم في مصر و أيضا رعاية مصالح المواطنين حول العالم.

و تابع رئيس الهيئة البرلمانية لحزب الشعب الجمهوري بمجلس الشيوخ : مش كل المصريين اللي في الخارج لهم نفس المشاكل و لهم نفس الطلبات احنا عايزين نفرق بين الناس اللي عايشه في الدول الأروبية و أمريكا و بين الناس اللي عايشه في دول الخليج، المصري اللي عايش في دول الخليج هو بيخاف أصلا يروح السفارة لأنه عارف أنه لو راح السفارة هيطلبوا منه يشوفوا إقامته و هو عمل ايه الغلط.. احنا عايزين نطمن الناس دي و نحسسهم أن إحنا في ضهرهم لأن الناس دي هم الثروة التي تساعد مصر في الوقت الحالي لعبور هذه الأزمة.