حورية فرغلي: الحمدلله على اللي أنا فيه واللي مش عاجبه شكلي ميبصش عليا

كشفت الفنانة حورية فرغلي أنها تشعر بالرضا، كما أوضحت انها اصيبت بالاكتئاب خلال الفترات الماضية لكنها تقربت من الله للقضاء عليه.

تحيا مصر يرصد لكم تصريحات حورية فرغلي

وقالت حورية فرغلي خلال لقائها في برنامج مساء دي أم سي والتي تقدمه الإعلامية إيمان الحصري ويعرض عبر قناة دي أم سي:  السنتين اللي فاتوا خدت  ثقة في نفسي وبقيت أقول الحمد لله على اللي أنا فيه واللي مش عاجبه اي حاجه فيا بص الناحية  التانية ومتبصش عليا وأنا مبسوطة بنفسي جدًا.

وتابعت: لو ليا نصيب وارتبطت بشخص لازم يحبني زي ما أنا بطريقتي لأن الروح الحلو اللي بتفضل مش الشكل، و الحمد لله على شكلي ومناخيري واي حاجه ربنا عملها فيا وأنا راضية بكل حاجة

حورية فرغلي: جالي اكتئاب واتقربت من ربنا وبصلي وبقرأ قرآن

أنا طلعت من تجربة المرض دي  ملغبطة وجالي اكتئاب وكنت بدور على أي ضوء واتقربت من ربنا وأصلي وبقرأ قرآن.

حورية فرغلي: عملت مسلسل واحد ايام ومفيش حد طلبني في حاجة تانية

وكشفت الفنانة حورية فرغلي أنها قدمت مسلسل واحد فقط بعد ازمتها الصحية واوضحت: عملت مسلسل أيام واتعرض على شاهد ومن بعدها مفيش حد طلبني في أي عمل.

كما كشفت الفنانة حورية فرغلي أن صحفتها عبر فيسبوك هناك أشخاص يحتلون شخصيتها وأوضحت: الصفحة الرئيسية اللي مسكها مش أنا وبحاول أخدها وأي حاجة على الصفحة دي مش تبعي وأول ما أخدها تاني الناس هتعرف دي أنا ولا واي  تصريحات مش أنا.

حورية فرغلي: فضلت 8 سنين خايفة حد يشوفني وحشة

وتابعت حورية فرغلي: فضلت 8 سنين خايفة حد يشوفني وحشة بس دلوقتي مبقتش أرد على اللي يضايقني واللي مش عاجبه ميبصش عليا.

وفي اللقاه ذاته قالت حورية فرغلي: أنا زي الفل وصحتي كويسة والعملية ماشية كويس واحسن بكتير من السبع سنين اللي فاتوا، ومن سنتين كنت عايزة أموت والدكتور اللي كان بيعالجني كان في أمريكا وكان في كورونا ومكنتش عارفة اسافر ومكنتش عارفة  ابص في مرايا بسبب مناخيري ومكنتش عارفه استطعم الاكل  ولا اشم أي ريحة ومكنش في فرق بين العيشة والموت.