حورية فرغلي: من سنتين كنت عايزة أموت وعملت 27 عملية في 8 سنين

كشفت الفنانة حورية فرغلي عن حالتها الصحية، وذلك بعد أجراها العديد من العمليات خلال الفترة الأخيرة، كما تحدثت حورية عن معاناتها خلال الفترة الاخيرة.

تحيا مصر يرصد لكم تصريحات حورية فرغلي

وقالت حورية فرغلي خلال لقائها في برنامج مساء دي أم سي التي تقدمه الإعلامية إيمان الحصري: أنا زي الفل وصحتي كويسة والعملية ماشية كويس واحسن بكتير من السبع سنين اللي فاتوا.

حورية فرغلي: من سنتين كنت بتمنى أموت

وتابعت: من سنتين كنت عايزة أموت والدكتور اللي كان بيعالجني كان في أمريكا وكان في كورونا ومكنتش عارفة اسافر ومكنتش عارفة  ابص في مرايا بسبب مناخيري ومكنتش عارفه استطعم الاكل  ولا اشم أي ريحة ومكنش في فرق بين العيشة والموت.

حورية فرغلي: عملت 27 عملية في 8 سنين 

وكشفت حورية فرغلي: عملت 27 عملية في 8 سنين وفاضلي عملية كمان بس محتاجة اريح شوية من العمليات عشان تعبت، وبقيت احسن كتير وبعرف اشم.

حورية فرغلي: لما كنت ملكة جمال كنت بركز في شكلي دلوقتي بقول الحمدلله 

وتابعت حورية فرغلي: لما كنت ملكة جمال مصر كنت بفضل ابص على كل حتة في جسمي ووشي وعايزة كل حاجه فيا حلوة .

وتحدثت حورية فرغلي عن أصدقائها من الوسط الفني، موضحة أن هناك العديد من الفنانين على تواصل دائم معاها وأوضحت: لطيفة ونبيلة عبيد ومادلين طبر وسوسن بدر وإلهام شاهين واللي كلموني مش هقدر انساهم كفاية أنهم سألوا عليا ووقفوا جنبي. 

وكشفت حورية: الناس في الأول افتكرت عملت عملية تجميل ومش عارفة أزاي أنا كنت واخدة ملكة جمال مصر لكن هي حادثة فروسية.

وفي اللقاء ذاته تحدثت حورية فرغلي عن مسلسل ساحرة الجنوب: بعد ساحرة الجنوب بدأت المشاكل تحصلي ومعرفش أنا عملت حاجة غلط فيه ولا ايه، دخلت في دور تعب مكنتش قادرة أقوم ولا أكل وكنت 45 كيلو.

وتابعت حورية فرغلي كاشفا عن تعرضها لـ عمل: لقيت عمل عندي  في البيت مكتوب حورية فرغلي تصاب بالشلل وتصبح طريحة الفراش وتصاب في جوازها وخلفتها ورزقها وحتة من شعري ملفوفة فيه ومدفون في زرعة عندي.