زوجة ضحية كلب البيتبول تروي تفاصيل الواقعة: الكلب متشرس وعض جوزي بطريقة مدروسة

خرجت زوجة ضحية كلب البيتبول الذي تمتلكه المذيعة أميرة شنب لتروي تفاصيل الواقعة، وذلك خلال مداخلة هاتفية مع الإعلامي عمرو أديب خلال برنامج الحكاية، المذاع على شاشة mbc مصر.

تحيا مصر يرصد في ذلك التقرير تصريحات زوجة ضحية كلب البيتبول

زوجة ضحية كلب البيتبول: الكلب هجم على جوزي بطريقة مدربة ومدروسة

قالت زوجة الضحية: الكلب كان سايب في الجنينة وجوزي خاف انه يحتك بيهم فخبط عليهم عشان يقولهم اربطوا الكلب مجرد ما خبط عليهم وفتحوا الباب الكلب هجم على جوزي بطريقة مدربة ومدروسة نجح إنه يوقعه على الأرض برغم إن جوزي طويل ورياضي، وعضه كذا عضة بطريقة مدروسة.

وأضافت: الكلب متشرس ومينفعش يتم اقتنائه بالشكل ده،  ابني حاول يخبط في الكلب لكنه منجحش وحصله كدمات في جسمه، أما يأس دخل المنزل وصرخ كتير لحد ما ابن المساعدة صحي وفكه عن جوزي وخدوه المستشفى والدم كان مالي العمارة.

زوجة ضحية كلب البيتبول:حالة زوجي الصحية بتتحسن لكنه مازال في غيبوبة

واستكملت حديثها، كاشفة عن ما حدث لزوجها بعد ذهابه للمستشفى: روحنا  مستشفى دار الفؤاد وقرروا انه مش هينفع نعمل عملية وأخذوا جرعات مكثفة وقالوا هنأجل العملية تاني يوم.

وأضافت عن حالته الصحية: حالته كانت مستقرة ودخل العمليات على رجليه لكنه بعدها دخل في غيبوبة ووضع تحت أجهزة تنفس والجسم بدأ يستجيب بس لسة في غيبوبة ومعنديش حاجة تثب ان العضة هي السبب ومعنديش حاجة تثبت او تنفي ان اللي حصل من تخدير العملية.

واختتمت: الأجهزة بتتحسن لكن الوعي ده حاجة من عند ربنا والدكاترة قالولي ممكن يفضل شهر أو شهور ولو الكلب يحتوي على فيروس معين يقصر على القلب لوقت معين وتوقف القلب هو اللي وصلنا للموضوع ده لكن المستشفى مشكورة أنهم فضلوا 30 دقيقة والسبب الرئيسي محدش عارفة.

رسالة زوجة ضحية كلب البيتبول

واختتم زوجة ضحية كلب البيتبول حديثها برسالة هامة، قالت فيها: لازم يكون فيه قرارات وقوانين رادعة لأي حد هيمتلك كلاب.. وكل واحد يحط نفسه مكاني ومكان جوزي.

كما كشفت عن اعتذار صاحب الكلب لهم لكنها أشارت بان الإعتذار لا ينفع وأنه يجب أن يعترف بشراسة كلبه ويحاول التخلص منه بأي شكل.