ياسمين الخطيب: أنا موضع انتقادات لأني مختلفة والستات بتتضايق مني عشان مش خاضعة زيهم

تحدثت الإعلامية ياسمين الخطيب عن سبب تعرضها للانتقادات بشكل مستمر، خاصة من السيدات التي تشبهم مشيرة إلى أن اختلافها وقوتها هي السبب.

تحيا مصر يرصد في ذلك التقرير تصريحات ياسمين الخطيب عن سر انتقاداتها بشكل مستمر

ياسمين الخطيب: الستات اللي عندها نقص هي اللي بتهاجمني وبتهاجم الست الناجحة

وقالت ياسمين الخطيب خلال حوارها لـ موقع تحيا مصر: أنا موضع انتقادات لأني مختلفة وخارجة عن المألوف والستات بيحبوا الست الخاضعة اللي شبه كل الستات لكن المختلفة دي بتضايق الرجالة والستات الغير سوية، لكن السويين بيفرحوا اما يشوفوا ست مختلفة والستات اللي مش كاملة بتعوض نقصها فأنها تهاجمني أو تهاجم ست ناجحة.

ونفت ياسمين الخطيب إمكانية اعتزالها السوشيال ميديا، فقالت: اعتزال السوشيال ميديا مش مطروحة لأي شخص، زيها زي اعتزال المواصلات السوشيال ميديا ألية هامة جدا من أليات العصر بعرف المعلومات منه وشغلي كله عليه.

ياسمين الخطيب: مفيش خد مثالي وبشجع نفسي على صمودها ووقتها

وقالت ياسمين الخطيب أيضا خلال حوارها: مفيش حد مثالي لا ست ولا راجل كلنا بنبحث عن بعض المثالية واللي بيدور على شخص كامل ده عبيط، ولو عايزة أوجه رسالة اعتذار لحد هعتذر لأبنائي لأن أوقات كتير بشعر تجاهم بالتقصير.

وتابعت: أنا طول الوقت بوجه رسايل تشجيعية بنفسي انا فخورة بيها ومعتزة بصلبتها وقدرتها على الصمود أنا قوية، وأنا زي كل الناس بخاف أنهار لأني لو انهارت هتنهار أسرة فمعنديش رفاهية الانهيار.

ياسمين الخطيب تكشف تعرضها للتحرش

وسبق وأن تحدثت ياسمين الخطيب عن تعرضها للتحرش: بتعرض للتحرش من شخصيات عامة وأنا حد معروف فبوست على السوشيال ميديا ممكن يقلب الدنيا ولازم يكون عندي أدلة عشان أكيد هيقولوا دي بتعمل تريند أو بتكذب، أنا باخد حقي وقتي لأني عارفة إني مش هعرف أخده بعد كدة، فبيكون رد فعلي ان اديله بضهر ايدي أو بالشنطة في وشه واتكرر معايا كتيروعادة بيحصل معايا في مكتب

واختتمت ياسمين الخطيب حديثها: مرة ضربت بالقلم، ومرة حدفت عليه الشنطة وغيرها، أنا بدافع عن نفسي ومش من الستات اللي بتتكسف ولا بتتخض او يمنعها الفزع والاحراج.