ياسمين الخطيب: اتعرضت للتحرش من شخصيات عامة وزوج سابق غيرلي ديكور وشي

كشفت الإعلامية ياسمين الخطيب موقفها من التحرش، مشيرة إلى أنها تعرضت له العديد من المرات على يد شخصيات عامة لم تستطع أن تذكر أسمائهم.

تحيا مصر يرصد في ذلك التقرير تصريحات ياسمين الخطيب عن التحرش

ياسمين الخطيب: 70% من البنات اتعرضوا للتحرش وبقى فيه تشجيع ليهم إنهم ميسكتوش

وقالت ياسمين الخطيب خلال حوارها لـ موقع تحيا مصر: 70% من المصريات تعرضن للتحرش وأكيد أنا منهم.

وعن نصيحتها للفتيات آلاتيّ تعرضن للتحرش، قالت: الدنيا اتطورت في الكام سنة الأخيرة خاصة بعد حملة أنا أيضا، فبقى فيه تشجيع للبنات إنهم ميسكتوش، مشكلة التحرش زمان إن البنت مش فاهمة إنها ضحية فكانت بتسكت لكن النهاردة الموضوع اختلف وبقى فيه وعي كبير جدا للبنات انكم تتهموا المتحرش وده حاصل دلوقتي.

ياسمين الخطيب: بتعرض للتحرش من شخصيات عامة في مكاتبهم وباخد منهم حقي وقتي

وتحدثت ياسمين الخطيب عن رد فلعها بعد تعرضها للتحرش، فقالت: بفكر ألف مرة لأن بتعرض للتحرش من شخصيات عامة وأنا حد معروف فبوست على السوشيال ميديا ممكن يقلب الدنيا ولازم يكون عندي أدلة عشان أكيد هيقولوا دي بتعمل تريند أو بتكذب، أنا باخد حقي وقتي لأني عارفة إني مش هعرف أخده بعد كدة، فبيكون رد فعلي ان اديله بضهر ايدي أو بالشنطة في وشه واتكرر معايا كتيروعادة بيحصل معايا في مكتب

واختتمت ياسمين الخطيب حديثها: مرة ضربت بالقلم، ومرة حدفت عليه الشنطة وغيرها، أنا بدافع عن نفسي ومش من الستات اللي بتتكسف ولا بتتخض او يمنعها الفزع والاحراج.

وتحدثت ياسمين الخطيب أيضا عن تعرضها للعنف الزوجي، فقالت: أنا شخصية قوية لكن جسديا مش قوية وقبل كدة زوج سابق ليا غيرلي ديكور وشي، واتعرضت للدرجة دي للعنف ومعرفتش أعمل حاجة أي ست بتتعرض للعنف الجسدي مبتعرفش تاخد حقها، لكن مع المتحرشين بضرب عشان المتحرش بيكون عنده جرأة لحظية لكن هو شخص جبان وأنا بضرب وأجري.

ياسمين الخطيب وقضية سعد لمجرد

وكانت قد أعربت ياسمين الخطيب عن سعادتها بالحكم على سعد لمجرد بـ 10 سنوات سجن في قضية اغتصابه لـ فتاة فرنسية رغم نفيه الاتهامات الموجة إليه وخروج عدد من الفنانات للدفاع عنه، حيث كتبت عبر حسابها الرسمي بموقع التواصل الإجتماعي فيسبوك: "في كل مرة تدافع امرأة عن نفسها، دون أن تدرك، تدافع عن جميع النساء"، وهو ما يدل على أن ياسمين الخطيب من المشاهير الرافضين للتحرش بكل أشكاله سواء لفظيا أو جسديا.