مُسلم لـ تحيا مصر: أنا مُقل جدًا على السوشيال ميديا ومش بحب ابقى منساق تحت أي تريند

كشف الفنان مُسلم أنه لا يحب أن يتابع السوشيال ميديا ولا يحب أن يشارك في التريندات التي انتشرت خلال الفترة الأخيرة.

تحيا مصر يرصد لكم تصريحات مُسلم

وقال مُسلم في تصريحات خاصة لموقع تحيا مصر: أنا مُقل جدًا على السوشيال ميديا ومحدود على  عائلتي والناس اللي بيتبعوني بس وبعتبرهم عائلتي ، وأخري في السوشيال ميديا اني ارد على جمهوري بس.

مُسلم: مش بحب السوشيال ميديا تتحكم فيا

وتابع مسلم: ومش بحب ابقى منساق تحت أي تريند وبحب أكون أنا المتحكم في كل حاجة وبالذات السوشيال ميديا ومش بحبها تتحكم فيا. 
واستكمل مُسلم: السوشيال ميديا بتخلي الواحد بتصحى من النوم وتشوف ايه اللي بيحصل وفايتك وتدور وببقى بتلف في دايرة معينة.

تصريحات مسلم لتحيا مصر

وكشف مُسلم في تصريحات خاصة لموقع تحيا مصر أنه يعتبر أغنية اتنسيت هي الفارقة في مشواره الفني وقال: أغنية اتنسيت فارقة في مشواري الفني، وهي تاني خطوة ليا بعد أغنية هنيالك اللي نزلت في 2018.

وعن فترة اعتزاله قال مسلم:  بعد فترة التغبط واعتزالي  وبعدت الفترة دي ومسحت كل شغلي من على اليوتيوب ومواقع التواصل الاجتماعي كان عندي هاجس وقتها  إني مش هرجع تاني والناس مش هتفتكرني، لكن أغنية اتنسيت جت الموازين كلها، ورغم إني بعدت واعتزلت بس الأغنية دي رجعتني للجمهور تاني.

مُسلم: التلحين بيدي روح للأغنية

وسبق وكشف مسلم في تصريحات سابقة لموقع تحيا مصر أن التلحين يأثر عليه في الأغاني بعض الشئ،موضحًا أنه يحب أن يمارس في أوقات فراغه الموسيقى، وكشف مسلم: بالنسبالي كلام الأغنية أهم حاجة بالنسبالي لأن ده شئ أنا بحسه من صناعة الاغنية وأول  حاجة بتكتب الأغنية وبعدين التلحين بيديله روح وبعد كده المغني بيحط احساسه عليه.

وتحدث مسلم عن أغنية قلب في الدفاتر وتخطيها الـ 20 مليون مشاهدة وأوضح: في أغاني لما بقت تجيب 20 مليون الناس بتقول عليها منجحتش، وفي أغاني بتنجح حتى لو جابت 10 مليون أو 5 مليون، وأغنية قلب في الدفاتر بقالها شهر بس وتخطت الـ 20 مليون مشاهدة على اليوتيوب وسعيد جدًا بنجاحها.