خاص| مُسلم: لما اعتزلت كنت خايف الناس متفتكرنيش تاني وأغنية اتنسيت غيرت الموازين

كشف الفنان مُسلم أنه يعتبر أغنية اتنسيت هي الفارقة في مشواره الفني، كما كشف كواليس اعتزاله الغناء وحذف جميع أغانيه عبر مواقع التواصل الاجتماعي.

تحيا مصر يرصد لكم تصريحات مُسلم

وقال مُسلم في تصريحات خاصة لموقع تحيا مصر: أغنية اتنسيت فارقة في مشواري الفني،وهي تاني خطوة ليا بعد أغنية هنيالك اللي نزلت في 2018.

وتابع مُسلم:  بعد فترة التغبط واعتزالي  وبعدت الفترة دي ومسحت كل شغلي من على اليوتيوب ومواقع التواصل الاجتماعي كان عندي هاجس وقتها  إني مش هرجع تاني والناس مش هتفتكرني.

مُسلم: أغنية اتنسيت غيرت الموازين

وأضاف مُسلم: لكن أغنية اتنسيت جت الموازين كلها، ورغم إني بعدت واعتزلت بس الأغنية دي رجعتني للجمهور تاني.

تصريحات مُسلم

وسبق وكشف مسلم في تصريحات سابقة لموقع تحيا مصر أن التلحين يأثر عليه في الأغاني بعض الشئ،موضحًا أنه يحب أن يمارس في أوقات فراغه الموسيقى، وقال مسلم: أنا بحب ألحان الأغاني لنفسي وبهتم بالتلحين، لكن التلحين بيأثر عليا خصوصًا في الأغاني، أنا مش عندي أي حاجة اعملها غير الأغاني والتلحين وغير دول أنا بحب أعزف وبعمل كل حاجة تبع الموسيقى حتى في أوقات فراغي وطول الوقت بعمل حاجة ليها علاقة بالمزيكا.

واستكمل مسلسم: بالنسبالي كلام الأغنية أهم حاجة بالنسبالي لأن ده شئ أنا بحسه من صناعة الاغنية وأول  حاجة بتكتب الأغنية وبعدين التلحين بيديله روح وبعد كده المغني بيحط احساسه عليه.

وكشف مسلم: في أغاني لما بقت تجيب 20 مليون الناس بتقول عليها منجحتش، وفي أغاني بتنجح حتى لو جابت 10 مليون أو 5 مليون، وأغنية قلب في الدفاتر بقالها شهر بس وتخطت الـ 20 مليون مشاهدة على اليوتيوب وسعيد جدًا بنجاحها.

مسلم: مش بهتم بالمشاهدات على اليوتيوب

وعن اهتمامه بمشاهدات السوشيال ميديا قال مسلم أنه لا يهتم بالمشاهدات على السوشيال ميديا والأهم بالنسبه له توصيل إحساس الأغنية للجمهور موضحًا: فرحتي بتكون في صناعة الأغنية نفسها مش في نجاحها من عدمه واللي أنا بحسه بكتبه وبلحنه لنفسي ومهم جدًا بالنسبالي إني أكون منصف لنفسي وأقدر أعبر عن اللي أنا حاسس بيه ولما بقدر أطلع ده والأغنية طلعت يبقى ده النجاح بالنسبالي.