تامر حسني: ثق في ترتيب ربنا حتى لو مفهمتوش.. مفيش أحن منه علينا

حرص النجم تامر حسني على توجيه رسالة خاصة إلى جمهوره، عن الرضا بالابتلاء، وذلك من خلال منشور عبر حسابه الشخصي على موقع التواصل الاجتماعي فيسبوك.

تحيا مصر يرصد تفاصيل أحدث منشورات تامر حسني عبر فيسبوك

حيث كتب تامر: "لما بتبقى في شدة وحزن وضيق وابتلاء لازم تعرف أن في الوقت ده ربنا اختار لك الصالح أوي أوي لأنه الوحيد اللي بيعلم الغيب.. وأنت تفضل عايز حاجة تانية والحاجة دي مليانة شر ليك بس أنت مش عارف، أحياناً بتعرف بعدها وبتفهم أن اللي حصل ده كان أصح حاجة".

رسالة تامر حسني لجمهوره عن الرضا

وتابع: "وأحياناً مبتعرفش بس لما متعرفش اتأكد أن ربنا شال من عليك شيء صعب أوي فعلاً مكنتش هتتحمله.. ثق في ترتيب واختيار ربنا حتى لو مفهمتوش  و ياسلام بقى لو في المحنة ترضى وتقول الحمدلله من قلبك".

واختتم حديثه قائلاً: "هتلاقي كرم أكبر بكتير من اللي أنت مستنيه، والله والله مفيش أحن علينا من ربنا".

حقيقة هجوم أحمد أدم على تامر حسني

وفي وقت سابق، علق تامر حسني على انتشار تصريحات أحمد آدم السلبية بهذا الأمر: أستاذ احمد آدم فعلاً بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس و خليتهم يبيعوا مبادئهم و صداقتهم و امانتهم.

وتابع: لمجرد ان الناس تعرفهم او تتكلم عليهم و لو ليوم واحد و نسيوا انه لا يصح الا الصحيح عشان ده عدل ربنا … و اي افاقين مع الوقت هتلاقيهم بيختفوا و المحترم الحقيقي هو اللي بيستمر اصل لما نهتم و نرد على كل كداب امال اللي بيحبونا نعمل معاهم ايه؟.

تامر حسني يهنئ أحمد عصام بزفافه

ومن ناحية أخرى، حرص النجم تامر حسني التعليق على إحياءه لحفل زفاف الفنان أحمد عصام، وذلك من خلال منشور عبر حسابه الشخصي على موقع تبادل الصور والفيديوهات “إنستجرام”.

حيث نشر تامر مقطع فيديو خلال تواجده في حفل الزفاف، وعلق عليه قائلًا: “أنا فعلاً كنت حاسس أني بجوز ابني ملياااااااااار مبروك لحبيبي وصاحب عمري أحمد عصام، ربنا يكرمك يا حبيبي أنت ومراتك، وبالنسبة للصور والڤيديو الجميل ده مهما علقت مش هعرف أوصف جمال روحه ومحبة الجميع اللي ظاهرة للكل، عقبال أفراحكم كلكم”.