خاص| مديحة حمدي لـ زوجة الابن: حماتك أمك التانية متكشريش في وشها

أكدت الفنانة مديحة حمدي أثناء حديثها عن العلاقة الطبيعية التي تكون بين الحماة وزوجة ابنها تكون ناتج عن تصرفات الطرفين وأوصت أن الإنسان يجب أن يدفع بالتي هي أحسن، ووجهت للأزواج من خلال تحيا مصر مجموعة من النصايح  لعيش حياة سعيدة.

نصائح للأزواج لكسب حب الحموات 

قالت: " هي مش عايشة معاها فلما تروحلها زيارة متروحش مكشرة وحاسة انها جاية غصب عنها وبتقضي واجب ، تدي للحما روح إن بنتها جاية تزورها وتسألها عن أخبارها عاملة إيه ازيك يا طنط عاملة ايه انا شوفت حاجة في المحل الفلاني تحبي أجبلك إيه مش هنمليهم الكلام بس اعتبري حماتك أمك التانية ولو فيه أي شئ ادفع بالتي هي أحسن "

وتابعت نصيحة للزوج الذي يلقي اللوم على زوجته: “دة كدة مش ذكي لانه بيحط ضغينة بين زوجته وأمه ولو هو بيحب أمه وأمه غالية عليه ولا يحبها تتنكد ولا يقطعها ولكن دة بردو مش موجود في الطبقات دلوقتي لان التليفزيون والخروج والاختلاط غير حجات كتير أوي”.

تصريحات سابقة لمديحة حمدي

وقد صرحت الفنانة مديحة حمدي من قبل أن علاقتها طيبة بزوجات أولادها وقالت:"هما بنات متربيين ومن بيت كبير وبنتعامل كعيلة واحدة والحماة زمان غير دلوقتي، ففي البيئات البسيطة كانت زوجة الابن لا تجرؤ إنها تعمل أكل في بيتها أو تطبخ قبل ما تخلص شغل البيت عند حماتها سواء كنس أو مسح أو أي حاجة تتخيليها، وأصبح حق مكتسب.. فيه اللي بيتعايش مع الموضوع ده ويتقبله، وفيه واحدة “تانية طبيعتها مش كده".

وأنهت تصريحاتها :"أنا اللي بيشتريلي حاجاتي سواء لبس أو إكسسوات هم زوجات أبنائي، وعلاقتي بيهم جيدة جدا، وأنا عرفت أكسبهم عشان عايزة أبنائي سعداء، وولادي اتجوزوا بدري لأننا كنا مرتبين السكن بتاعهم وكانوا متجهزين للزواج، وكان رغبة من والدهم، وأكبر حفيد عندي عنده 20 سنة".