رانيا يوسف: كلابي بيفرفشوني.. وبكتشف إني حمارة لما بمضي على عمل وألبس في الحيط

كشفت الفنانة رانيا يوسف عدد من الأسرار في حياتها الشخصية من بينها روتين شعرها، والأشياء التي تحرص عليها للحفاظ على صحتها ورشاقتها، وذلك خلال لقائها ببرنامج gossips.

تحيا مصر يرصد في ذلك التقرير تصريحات رانيا يوسف في gossips

رانيا يوسف للحفاظ على الصحة: اتفرجوا على فيلم كوميدي

قالت رانيا يوسف خلال البرنامج: عشان أحافظ على صحتي شرب ماية كتير وبحط عليها خل التفاح مع الليمون ودي وصفة سحرية للتخسيس والصحة، ورياضة ونوم حلو وفيلم كوميدي لـ راحة البال.

وعن روتين شعرها، فقالت رانيا يوسف: بحط معلقة جاز على شوية زيوت وكريمات وعصير بصل، والوصفات اللي بيقولي عليها كلها بجربها.

رانيا يوسف: كلابي بشارك معاهم كل حاجة حلوة وبيفرفشوني

وتحدث عن سر خروجها من أحزانها بسهولة، فقالت: باخد فيتامينات كتير وبمشي وبلعب رياضة ومتفائلة دايما بدون سبب، والشخص السلبي بيقفل مودي والشكاي عشان كدة أما بلقيهم ببعد، وأنا شيالة ومبنساش.

وعن أكثر الأشياء التي تتسبب في انطفائها: نوري بيتطفي أما حد بيخذلني في الحياة لما أكون متوقعة إنه يكون كويس ويطلع هباب، وكلابي دايما بشارك معاهم كل حاجة حلوة وبيفرفشوني.

وعن أكثر الأشياء التي تندم عليها، فأشارت انها لحظة تعاقدها على عمل فني، موضحة: بكتشف إن أنا حمارة كتير أوي بعد ما بمضي أعمالي وبلبس في الحيط في الأخر.

واختتمت رانيا يوسف حديثها، قائلة: عادي الراجل يحط برفانات حريمي عشان بتليق عليهم لكن البنات اللي بتحط برفان رجالي مسترجلين.

رانيا يوسف: عليا أقساط كتير وراحتي بتيجي أما بسددها

وسبق وأن كشفت عن ديون الفنانين، فقالت: ااحنا بني أدمين وبنصرف كتير أوي وعندنا بنود كتير بنصرف فيها زي اللبس والميكاب والشعر والإكسسورات والفستان اللي بلبسه مش بعرف ألبسه تاني ففي مصاريف كتير علينا مش عند بقيت الناس.. وعليا أقساط كتير جدا وراحتي بتيجي أما بسددها.

وعن الرجال في حياتها قالت: الرجالة مش موجودين في حياتي دلوقتي خلينا نهتم بنفسنا ووقتنا يبقى لينا ولجمالنا وصحتنا ونومنا مش عايزين نكد، ومبقاش فيه راجل بيقع في الحب وأول 3 شهور بتكون لطيفة وبعد كدة الدنيا بتتقلب.