مي سليم: أبويا مات وأنا عندي 40 يوم.. وأمي أم مثالية

تحدثت الفنانة مي سليم عن تفاصيل علاقتها بوالدتها، وحياتها بعد وفاة والدها، وذلك خلال حوارها اليوم ببرنامج “واحد من الناس”، مع الإعلامي عمرو الليثي.

تحيا مصر يرصد تفاصيل تصريحات مي سليم مع عمرو الليثي

حديث مي سليم عن والدتها

حيث قالت مي: “احنا من قبل ما نبقى فنانين أمي كانت مربيانا على أننا ناخد بالنا من تصرفاتنا، ولازم تكون مجتهد وبتفكر، ودا اللي بحاول أعمله مع لي لي، والحمد لله كانت معانا خطوة بخطوة”.

وتابعت: “أمي هي أم مثالية، حافظت علينا وتعبت معانا جامد جدًا، خصوصا أن بابايا أتوفى وأنا صغيرة جدًا، كان عندي 40 يوم”.

موقف لا تنساه دانا حمدان لوالدتها

وعقبت دانا حمدان على كلام شقيقتها مي قائلة: بابا لما أتوفى أنا فاكرة كويس أوي، أن أمي من صعوبة الموقف عليها، كان فيه كنبة في البيت كانت بتقعد عليها وتطفي النور وتقعد باصة على الشارع وتعيط طول الليل.

وتابعت: “وأكيد كان حمل فظيع عليها، وكنا مسئولية في رقبتها، أنها لازم تطلعنا أحسن حاجة، ولازم تنجح في أنها تطلعنا شيء مشرف، وهي فعلا قامت بمهمة مذهلة”.

أخر أعمال مي سليم

وكانت أخر أعمال الفنانة مي سليم طرح أغنية “احنا كبنات”، من كلمات محمد مصطفى ملك، ألحان: محمود أنور، وتوزيع: محمد مجدي، التي حقتت نجاحات ليست بالقليلة منذ طرحها على موقع الفيديوهات الشهير يوتيوب، وتقول كلمات الأغنية: إحنا كبنات عارفين الدخلة الاولى كلها طيبة ورجولة ومحدش غيري هيحاسب فتقولي دة شخص مناسب".

“هو فيه ناس كدة معقولة تدبسي فيه يظهرلك بعض حقايق تبتدي بمزاجي مش رايق يعملك فيها مجنون وفلوسي خلصت مديون دلوقتي انتي المسئولة، فتشيلي الشيلة والحجة بقيتي م العيلة تتخلي ازاي اصيلة لازم تلبسي البسي في الحيط احنا يا بنات مضحوك والله علينا واقل حاجة بترضينا نتصالح لو حصل ايه لو وردة بربع جنيه يحلو الكون في عنينا وهنعمل ايه يعني في صنف الرجالة في الكدب دماغه شغالة ياما شوفنا معاه اسافين في الاخر يعمل مسكين وبيصعب برضو علينا”.