رانيا يوسف: اتفصلت من المدرسة عشان خناقة على ولاد كانت بتعاكسنا ومبعملش فوتوشوب لصوري

كشفت الفنانة رانيا يوسف عدد من التصريحات الطريفة خلال ضيافتها على برنامج gossips، المذاع على إحدى صفحات موقع التواصل الإجتماعي “فيسبوك”.

تحيا مصر يرصد في ذلك التقرير تصريحات رانيا يوسف في gossips

رانيا يوسف: أول جواب غرامي كتبته كان عندي 17 سنة واتفصلت 10 أيام من المدرسة

تحدثت رانيا يوسف عن أول جواب غرام كتبته وعن أول فصل لها من مدرستها، فقالت: “وأنا عيلة كنت بكتب جوابات غرامية لفتى أحلامي وقولتله أنا بحبك أوي ومش هقدر أعيش من غيرك وكان عندي 17 سنة وذلني بيه بعد كدة طلع حقير”.

وتابعت حديثها عن سبب فصلها من المدرسة: “جالي جواب فصل في المدرسة بسبب إننا كنا مدرسة بنات وبنغير من بعض أوي وكان فيه ولاد في مدرسة تانية بتعاكسنا فاتخنقنا وضربنا بعد واتفصلنا 10 أيام”.

رانيا يوسف: مش بعمل فوتشوب لـ صوري وممكن إيديت مبيعملش فرق

وعن إجراء تعديلات على صورها، قالت رانيا يوسف: مش بعمل فوتشوب، بصور وببعت للمسؤل عن الصحفة وهو بيعملها ايديت مش فوتشوب والصورة مش بتطلع مفيهاش فرق كبير.

وسبق، وأن تحدثت رانيا يوسف عن سر اختيارها ملابس مثيرة، فقالت خلال حلولها ضيفة على برنامج “كلام الناس”، المذاع على قناة mbc مصر وتقدمه الإعلامية ياسمين عز: الناس مش بتركز على شغلي قد ما بيركزو على إن بلبس ايه، مقتنعة بمقولة القالب غالب وإحنا لازم نكون مهتمين بلبسنا وجسمنا عشان إحنا قدوة للناس، طول عمري بلبس مايو وشورت.. أنا مبتغيرش عشان أراضي حد إنت مش عاجبك رانيا متتابعنيش، أنا أقل واحدة بلبس ماركات وأنا بشتغل على جسمي وشكلي فأقل حاجة بلبسها بتبان حلو، وممكن أهتم بالمركات بس في المهرجانات، أنا ست بحب الجمال في الرجالة والستات وبتعلم من البنات الشباب استياليتهم الجديدة.

رانيا يوسف وأعمالها الفنية 

جدير بالذكر، أنه تألقت رانيا يوسف بـ مسلسل المماليك بجانب كلا من النجوم رامي وحيد وبيومي فؤاد، محمد لطفي، وعائشة عثمان ومحمد سليمان وفيدرا ودوللي شاهين وعمر حسن يوسف، والعمل من تأليف هشام هلال، وإخراج حازم فودة، وحقق العمل نجاحات ساحقة خلال فترة عرضه قبل الموسم الرمضاني هذا العام.