رانيا يوسف: الفنانين عليهم أقساط لأنهم ملزمين بمصاريف كتير غير بقيت الناس زي اللبس والميكاب

تحدثت الفنانة رانيا يوسف عن سخرية الجمهور من الفنانين الذيين يكشفون عن ديونهم، مشيرة إلى أن مصاريف النجوم أكثر من أشخاص كثيرة.

تحيا مصر يرصد في ذلك التقرير تصريحات الفنانة رانيا يوسف

رانيا يوسف: في مصاريف علينا مش عند بقيت الناس وعليا أقساط كتير بسبب اللبس

وقالت رانيا يوسف خلال برنامج gossips الذي يتم بثه على السوشيال ميديا: احنا بني أدمين وبنصرف كتير أوي وعندنا بنود كتير بنصرف فيها زي اللبس والميكاب والشعر والإكسسورات والفستان اللي بلبسه مش بعرف ألبسه تاني ففي مصاريف كتير علينا مش عند بقيت الناس.. وعليا أقساط كتير جدا وراحتي بتيجي أما بسسدها.

وعن علاقتها بالسوشيال ميديا والموبايل فقالت: بكره الموبايل وماليش فيه وعمري ما عملت كلتون للموبايل، اكتشفت حاجة على الموبايل فرزعته في الحيطة.

رانيا يوسف عن الرجال: نكد وبيفكروا بغريزاتهم

وتحدثت رانيا يوسف عن علاقتها بالرجل، فقالت: الرجالة مش موجودين في حياتي دلوقتي خلينا نهتم بنفسنا ووقتنا يبقى لينا ولجمالنا وصحتنا ونومنا مش عايزين نكد، ومبقاش فيه راجل بيقع في الحب وأول 3 شهور بتكون لطيفة وبعد كدة الدنيا بتتقلب، ومشوفتش راجل بيقع في الحب لانهم بيفكروا أكتر بغرزيته مش بعاطفيته، والمفروض الراجل يقبل الست زي ما هي بمميزاتها وعيوبها، إحنا أروح بتتلاقى مش أشكال بتتلاقى.

رانيا يوسف وأعمال الفنية المقبلة

جدير بالذكر، أنه تنشغل رانيا يوسف خلال الفترة الحالية بتصوير فيلم “ورد ريحان”  قصة محمد نبيل، نورا أحمد، وسيناريو و حوار محمد أشرف، إنتاج واقع مختلط-: “إيهاب لمعي، هاني وليم”، والعمل من إخراج محمد نبيل، والعمل من بطولة أحمد الفيشاوي ورانيا يوسف، أسما سليمان، نانسي صلاح، عمرو عبد العزيز، نبيل عيسي، ويقدم أحمد الفيشاوى شخصية "زين" وهو شاب يعاني من مرض نفسي بسبب كذب من حوله، ويحاول أن يصل رسالته إلى الجميع بأن الكذب مرفوض بالنسبة له، وأن الشخص الكاذب يلقى جزاءً سيئًا في حياته، ومن المقرر أن يحقق العمل نجاح كبير خلال فترة عرضه حيث يترقب الجمهور طرحه ضمن منافسة أفلام عيد الفطر 2023.