خاص|حودة بندق: مش بصنف نفسي مطرب مهرجانات وبحب أغني كل الأشكال

كشف مطرب المهرجانات حودة بندق أنه لا يصنف نفسه كمطرب مهرجانات، كما وجه رسالة إلى نقيب المهن الموسيقية الفنان مصطفى كامل

تحيا مصر يرصد لكم تصريحات حودة بندق

وقال حودة بندق في تصريحات خاصة لموقع تحيا مصر: أنا مش مطرب مهرجانات أنا بغني كل الأشكال وأول حاجة عملتها في حياتي كانت أغنية عادية.

حودة بندق: أنا اتشهرت قبل المهرجانات ما تطلع

وتابع: أنا اتشهرت في 2012 بسبب دوري في مسلسل الزوجة الرابعة مع مصطفى شعبان وبعد كده أغاني المهرجانات نجحت جدًا.

واستكمل حودة بندق: أنا مطرب وبغني كل الأشكال الموسيقية، وأنا معايا كارنية النقابة مكتوب فيه شعبة الغناء مش مُصنف مهرجانات بس.

رسالة حودة بندق لـ مصطفى كامل

كما وجة حودة بندق رسالة إلى نقيب المهن الموسيقية مصطفى كامل وقال: بقول للأستاذ مصطفى كامل موفق أن شاء الله وربنا معاه ويارب نشوفه دايمًا منور النقابة.

تكريم حودة بندق

وكان قد كرم مهرجان الأفضل بين الأفضل المطرب حودة بندق، وأعرب عن سعادته بالتكريم  وقال حودة بندق في تصريح خاص لموقع تحيا مصر: مبسوط جدًا بتواجدي في المهرجان والإذاعي شادي محمد أخ كبير ليا وبحبه جدًا وبقوله مبروك علة المهرجان وأن شاء الله دايمًا في تقدم.

وعن نجاح أغنيته الجديدة التي تحمل اسم كان ليا حبايب قال حودة بندق: الأغنية دراما وبعيدة كل البعد عن الشكل الشعبي، والحمدلله نجحت وكانت الـ 26 على العالم وفي معظم الدول العربية، وأنا مبسوط بالشكل الجديد اللي قدمته.

وأوضح حودة بندق: أنا أهم حاجة اسمع الأغنية في الشارع ولو سمعتها في الشارع أعرف أن هي نجحت  حتى لو جايبة مشاهدات قليلة على اليوتيوب، ولو على الأرقام أنا عندي أغاني حققت مشاهدات كبيرة جدًا، وفي  أغاني تخطت الـ 250 مليون والأرقام عادي مش مستاهلة.

كما تحدث حودة بندق عن التريند وتعامله مع السوشيال ميديا وقال: أنا مليش في السوشيال ميديا أوي وبتشتم كتير ومش بطلع أرد على حد ومش بحب الكلام الكتير على السوشيال ميديا والتريند بشكل عام.