أمير طعيمة عن منتقدي مسلسلات رمضان: دخلوا في ليڤل الوحش

خرج الشاعر أمير طعيمة عن صمته، للرد على منتقدي مسلسلات رمضان 2023 بسبب البوسترات الرسمية، وذلك من خلال حسابه الرسمي بموقع التدوينات القصيرة تويتر.

تحيا مصر يرصد رد أمير طعيمة على منتقدي مسلسلات رمضان 2023.

تعليق أمير طعيمة على منتقدي مسلسلات رمضان

غرد أمير طعيمة قائلًا: "الناس بينتقدوا و بيحللوا و بيحكموا على أعمال فنية لم يظهر منها إلا البوستر.. هم حتى ما يعرفوش القصة و لا شافوا تريلر و لا مشهد واحد. احنا دخلنا في level الوحش".

أمير طعيمة في برنامج معكم منى الشاذلي

على الصعيد الآخر، علق الشاعر الغنائى أمير طعيمة على حصول أيمن بهجت قمر على البكالوريوس خلال حلقة من برنامج معكم مع الإعلامية منى الشاذلى، أنا اعرف أيمن من سنة 99، ولسه ما اتخرجش، وعادل إمام لما عمل الإفيه قال 14 سنة، والراجل وفى بوعده وأخد البكالوريوس.

وقال حسين سنجارى لاعب خفة اليد وزميل أيمن بهجت قمر بمشروع التخرج، خلال لقائه بالبرنامج، أنا أول مرة باتصل بأيمن رد عليا مدير مكتبه، قولتله مدير مكتبه أيه انت هتهزر معايا، قاللى لأ ، وقولتله مش طالب زينا، وسألته هو بيشتغل أيه، قاللى شاعر غنائى، قولتله ابنه، يعنى قاللى لأ هو أيمن بهجت قمر، قاللى يعنى اللى بيكتب لعمرو دياب، هو زميلنا؟ قاللى اه، وعلق أيمن بهجت قمر، قائلا أنا العقد اللى معاه أنى هطلعه في البرنامج، وهو كان طالب إنى أشيرله فيديوهات.

أمير طعيمة يرد على منتقدي الحجاب

وكان أثار أمير طعيمة الجدل وكتب عبر حسابه في موقع التواصل الاجتماعي فيسبوك : "هو موضوع فلانة لبست الحجاب و فلانة خلعته ده شاغل الناس ليه، إيه مشكلة البعض مع الحجاب أساسا".

وأضاف: "و بعض الإعلاميين و من يطلق عليهم العلمانيين بيستقتلوا ليه عشان نفي فرضية الحجاب، يعني لو المحجبة اقتنعت بفتاويك و قلعت الحجاب الكون و الكوكب و البلد هيستفيدوا إيه ؟ هل إحنا مثلا دولة بنفرض لبس الحجاب على المرأة فإنت ضد قهرها؟ لا. هل إحنا بنضيق على غير المحجبة مثلا في الوظائف و الحياة العامة فإنت ضد ظلمها؟ لا، بل بالعكس دي غير المحجبة هي اللي فيه تضييق عليها في الفن و الإعلام و بعض الوظائف، ده حتى فيه أماكن و مطاعم بتمنع دخول المحجبات".

وتابع : "يبقى السؤال: الست المحجبة دي مضايقاك في إيه و قارفها في عيشتها بكلامك ليه، و عمال تجيبلي صور قديمة و تقارنها بصور جديدة كما لو كان ده دليل إننا كنا متحضرين و بقينا متخلفين، معلش هو مال التحضر بالحجاب و الفستان المفتوح و الميكرو جيب مش فاهم، يعني المحجبة لو لبست اللي بيبسطك معدل ذكائها و إنتاجيتها هيرتفعوا فالبلد هتروح في حتة تانية؟"

وواصل : "بعدين تعالى نفترض إننا صحينا من النوم لقينا البلد كلها مفهاش محجبة واحدة زي ما بتتمنوا .. ها ؟ طلعنا القمر كده؟ بقينا في مقدمة الدول تعليميا ؟ معدل النمو هيزيد ؟ هنغزوا العالم و الجنيه هيبقى بألف دولار؟

وأكمل : "ويا عم يا اللي شايف الإلحاد ظاهرة صحية و دعوة للتفكير و الشذوذ حرية شخصية، ممكن تتواضع و تعامل المحجبة نفس المعاملة و تعتبرها حرة في اختيار لبسها و تكبر دماغك و تشوف وراك إيه وتعمله، و لا إنت اللي معطلك و مخليك خيبان كده إن فيه ستات محجبات حاجبين عنك أحلامك و إهدافك العظيمة".