خطيب البلوجر سارة لـ تحيا مصر: معنديش مشكلة نكتب الكتاب.. والدتها اللي معترضة عليا

كشف خطيب البلوجر سارة محمد عن حقيقة تخليه عنها بعد تعرضها لحادث أفقدها بصرها إثر إطلاق النار عليها من مجهولين.

تحيا مصر يرصد حقيقة تخلي خطيب البلوجر سارة محمد عنها.

تصريحات خطيب سارة

وقال خطيب سارة في لقائه مع كاميرا تحيا مصر: أنا وسارة واخدين بعض عن حب وكنا مرتبطين 6 شهور وبعدين قرأنا فاتحة وبعدها انفصلنا ولسه راجعين بشكل مش رسمي قبل الحادث ب 3 أسابيع وكنا كل يوم مع بعض.

خطيب سارة ينفي تخليه عنها

وتابع: روحتلها المستشفى تاني يوم وقولتلها أنا جمبك ومش هسيبك وبعدها كنت مشغول في النيابة ولما فضيت خدت والدي وعمي واخويا وروحنلها البيت بس رفضوا يدخلونا فقعدنا عند جيرانهم.

اعتراض والدة سارة على خطيبها

وأضاف: والدتها معترضة عليا من الأول ولما روحتلها بعد الحادثة قالوا نكتب الكتاب.. أنا معنديش مشكلة بس نرجع الموضوع رسمي الأول ونلبس دبل ونقوق من صدمة الحادثة.

وكانت قالت سارة: خطيبي مجاش يشوفني وخذلني وأصحابي بيقولولي أنهم بيشوفوا في الشارع ماشي بيضحك.

وأوضحت: كنت مع خطيبي وقت وقوع الحادث وكان اليوم يسير بشكل طبيعي، وروحت معاه محطة الرمل ووقفنا في كارفور شوية احنا ساكنين في طريق القاهرة إسكندرية الصحراوي ناحية زاوية عبد القادر.

وتابعت سارة: واحنا ماشيين كان في عربية حاولت إيقافنا وزنقت علينا، وأنا بصيت كده عليهم وقلت لخطيبي أجري أوعى تقف ليهم، وبعدين واحنا على الطريق الصحراوي اقتربت منا سيارة، ونظرت إليهم ووجدت بعض المجهولين حاملين الأسلحة، ثم أصيبت في رأسي وقولتله بعدها أوعى تقف، وحسيت بصفارة في ودني ومن بعدها محستش بحاجة.

وأردفت: دكتور المخ والأعصاب كان رافض دخول الحالة إلى العمليات بسبب نزيف المخ، وأن الحالة خطيرة جدًا ودخولها العمليات يعرضها لخطورة أكبر، وعليه مضى والدها على إقرار بهذا، وقال الدكتور: أنا دخلتها العمليات عامية وهتطلع عامية.

واستكملت: سارة بنت عندها 21 سنة قلبها طيب أثناء الحادث كانت تحمل قطة على قدميها ولما فاقت، بدأت بالسؤال على القطة، وظلت سارة لمدة 3 أيام تعاني من النزيف والقيء المستمر، حالتها النفسية الآن صعبة جدًا، حيث أصيبت بتشوهات في الرأس والوجه.

واختتمت حديثها قائلة: عين حصل بها تهتك في الشبكية والقرنية ولا يوجد بها أي أمل، والعين الأخرى بها أمل بسيط، أتمنى الدعاء لها ودعمها.