مع اقتراب حلول شهر رمضان.. ياسمين عز تتسائل: ليه الأغنية بتقول افرحوا يا بنات مش يا رجال

أثارت الإعلامية المصرية ياسمين عز جدل واسع من جديد خلال برنامجها كلام الناس المذاع عبر قناة mbc مصر الفضائية، وذلك بسبب تناولها موضوع الرجل كالعادة.

تحيا مصر يرصد إثارة ياسمين عز للجدل.

ياسمين عز تثير الجدل

تسائلت ياسمين عز قائلة: ليه الأغنية بتقول افرحوا يا بنات يلا وهيصوا ومش بتقول افرحوا يا ولاد أو يا رجال؟ من وجهة نظري السبب أن الرجال هم مصدر الفرحة وبيفرحوا من أقل حاجة مش محتاجين.

علقت الإعلامية ياسمين عز، لأول مرة، عن ما أسمته الفيديو المسرب لها مع الشيخ مبروك عطية، الأستاذ بجامعة الأزهر الشريف.

تعليق ياسمين عز على الفيديو المتداول لها مع مبروك عطية

وقالت «عز» في تعليق عبر برنامجها «كلام الناس»، والذي يعرض عبر قناة «إم بي سي مصر»،: «لما باخد إجازة مينفعش تعدي بسلام، الأسبوع اللي فات لما خدت إجازة، قالك إلحق الفيديو أو الحلقة المسربة لياسمين مع الشيخ مبروك عطية».

وأضافت: «الفيديو المسرب اللي جابوه من على شاهد، لما كنت مستضيفة الشيخ مبروك عطية من 8 شهور، كنا بنتكلم عن الرجل والمرأة، الشيخ كان بيتكلم عن الأكل وأنا كنت بكلمه عن المحشي، وكنت بقوم بدور الطرف الغائب في الحوار».

وتابعت «عز»: «فقلت له: أنا دلوقتي مبعرفش أعمل محشي، وجوزي مقتدر، إيه المشكلة إنه يجيب طباخة؟! واسترسلنا في الحديث، وهنا أنا كنت بتكلم بالنيابة عن الطرف الغائب في اللقاء».

وأكملت: «ورغم هذا، أنا من سنة ماكنتش بعرف أحشي محشي، الإنسان لازم يتعلم من أخطائه ولا زم يتطور، أنا بتعلم وبتطور، وبقيت أعرف أعمل المحشي، إضافة إني أستاذة ورئيسة قسم في عمايل البط بالبرتقال».

وقالت ياسمين عز خلال حلقة برنامج “كلام الناس”:”لو انتِ قاعدة جنب جوزك ماتتنفسيش وهو بيتنفس، عيب يا مدام تتنفسي وجوزك بيتنفس في نفس الوقت، ننظم النفس والحركة مع بعض، مش معنى كلامي تكتمي نفسك وتموتي مكتومة”.

وتابعت: “أقصد لما يكون متعصب ومتنرفز وصوت نفسه عالي من العصبية وبينهج، ماتتنفسيش انتِ كمان وتنفخي بصوت عالي جنبه، لأن ده هيزود شحنة السلبية والنكد والكهرباء ما بينكم وهتقوم خناقة”.

ياسمين عز: ماينفعش تروحي الحمام من غير ما تستأذني جوزك

واستطردت: “انتِ نظمي نفسك وسيبي جوزك يطلع كل تنهيده وهيهدأ لوحده، حاجة كمان لو انتم قاعدين مع بعض في البيت بتتسامروا، ماينفعش فجأة تقومي في نص كلامه وتمشي بدون استئذان تروحي الحمام، الحمام مش أهم منه يا مدام”.