حاتم فهمي يشيد بـ ياسمين عز: شخصية ناجحة جدًا ومش عارف الستات زعلانين منها ليه

أشاد الفنان حاتم فهمي بالإعلامية المصرية ياسمين عز، مستعجبًا من غصب السيدات منها، وذلك خلال حلوله ضيفًا على برنامجها كلام الناس المذاع عبر قناة Mbc مصر الفضائية.

تحيا مصر يرصد إشادة حاتم فهمي بالإعلامية ياسمين عز.

إشادة حاتم فهمي بالإعلامية ياسمين عز

وقال فهمي: شخصية ناجحة جدًا، حاتم فهمي للستات: مش عارف أنتوا زعلانين من ياسمين عز ليه؟ دي بتقول كلام زي الفل وبتدعمنا معنويًا.

وتابع: الراجل بيبقى عايز حاجتين بس كلمة حلوة وطبطبه وتقدير أنه بيصرف كل حاجة على بيته عشان يبسطهم.

ياسمين عز تكشف عن معاناة أطباء الاستشارات الزوجية

من جانبه، أكدت الإعلامية ياسمين عز أن أطباء الاستشارات الزوجية في معاناة قائلة: "الله يعينكم على ما بلاكم"، المدام بـ تروح للعيادة بعد الزواج وتقول انا زوجي طلع شخص نرجسي بدون أي مقدمات، طب قدرتي تحددي ازاي انه شخص نرجسي، بترد وتقول "أصله طالع لـ امه نرجسي شبهها"، وأن مشيته مش عجباها وبـ يمشي مثل "الطاووس"، معتز بنفس، ونفس طريقه أمه في مشيها.

وتابعت ياسمين عز خلال برنامجها "كلام الناس" المذاع عبر فضائية "ام بي سي"، أن الستات لازم تهدى شوية معلقة: "اهدي يا مدام شوية أنت أول امبارح كنتي فاكره النرجسية دي طبق حلويات وخلينا ساكتين"، متابعة أن الستات جننوا أطباء الاستشارات الزوجية للأسف.

واستطردت ياسمين عز قائلةً: «ازاي قدرتي تعرفي إن زوجك طلع نرجسي هل انت درستي علم نفس أم هذه مجرد تكهنات واجتهادات، ام حلمتي قبل الفجر أن زوجك نرجسي، متابعة "هترد تقولك أن النت مليان وانها عارفة كل حاجة من على النت وان الكل بيقول لو جوزك زعلك وهو الـ أتضايق يبقى نرجسي".

ياسمين عز: الرجل أصل السكر

أكدت الإعلامية ياسمين عز أن هناك دراسة تثبت أن الرجل أصل السكر.

ووجهت «عز» حديثها للسيدات خلال تقديم برنامجها «كلام الناس»، المذاع على قناة «إم بي سي مصر» قائلة: «فيه دراسة أكدت أن الراجل أصل السكر، ولو جوزك صاحب مطعم هتلاقيه عينه مليانة، ولو دخل عنده مليون واحدة مراته هتفضل في عيونه ست البنات».

وتابعت ياسمين عز: «أرجو من كل أصحاب المطاعم إضافة طبق حلويات باسم الفرعون الكبير والصغير وأنا متبرعة بحقوق الملكية لمصنع السكر للراجل».

واختتمت ياسمين عز: «الراجل لما بيدخل مطعم ويفتح المنيو بيزعل عشان ملقاش اسمه في قايمة الحلويات»