ياسمين عز تهاجم السيدات الحوامل: بتخبي على سلفتك ليه؟ حملك مش معجزة القرن

وجهت الإعلامية المصرية ياسمين عز انتقادًا لازعًا للسيدات الحوامل، لتخبئة حملهن على سلايفهن، وذلك خلال برنامجها كلام الناس المذاع عبر قناة Mbc  مصر الفضائية.

تحيا مصر يرصد انتقاد ياسمين عز للسيدات الحوامل.

ياسمين عز تنتقد السيدات الحوامل

وقالت ياسمين عز: ليه بتخبي على سلفتك إنك حامل وبتقوليلها أنا قولوني منتفخ؟ سلفتك مش هتحسدك يا مدام هي أول واحدة هتلحقك لو اغمى عليكي وحملك دا مش معجزة القرن.

ياسمين عز تكشف مراحل تطور العروسة

كشفت الإعلامية ياسمين عز، مراحل تطور العروسة من مرحلة الخطوبة وحتى الجواز.

وقالت عز خلال برنامج «كلام الناس»، المذاع على فضائية «إم بي سي مصر»: «مشكلة البنات بتبان مع الوقت يعني في البداية ممكن تشيل حماته على دماغه وتلف بيها مروحة في الشارع وكل جملة تلاقيها بتقول حاضر».

وأضافت ياسمين عز: «وقت ما يعيني الشاب من دول يكلم خطبيته عشان ينزلوا يختاروا الفرش، بيكون رد العروسة أي «لو مامتك هتنزل معانا تختار الفرش مش نازلة أنا اللي اختار الفرش بتاعي».

وتابعت «ياسمين عز»: «ممكن تعمل لخطيبها بلوك وتقفل التلفون عشان حماتها متنزلش تختار معاها الفرش شوفوا التحول والتطور في العلاقة».

واستكملت ياسمين عز: «يا عيني الولد من دول ميلحقش يفوق من الصدمة ويكلم حماته تقوله دي زعلانة وقاعدة في أوضتها، متابعة:«هي الحقيقة مش بتكون زعلانة دي بتكون قافلة على نفسها وقاعدة تاكل أسألوني أنا أحنا الستات عارفين بعض».

تصريحات ياسمين عز

واختتمت الإعلامية المصرية ياسمين عز: «الواحدة من دول ممكن تخليك تكسر بخاطر مامتك الحنونة اللي مفيش في الدنيا حد هيحبك زيها ولا قدها، بحجة أنك لازم تكون شخصيتك قوية وليك كيان مستقل ورأي مستقل عن والدتك».