تامر حسني عن هجوم أحمد آدم عليه: "كان بيشرح كلمة تريند اللي جننت الناس.. وخدوا الكلام السلبي"

أثار الفنان أحمد آدم الجدل في أولى حلقات برنامجه "آدم شو"، وهذا بعد انتشار تصريحات على لسانه يهاجم خلالها الفنان تامر حسني ويصف أعماله الفنية بالإسفاف.

تحيا مصر يرصد في ذلك التقرير حقيقة هجوم أحمد آدم على تامر حسني

حقيقة هجوم أحمد أدم على تامر حسني

وشارك تامر حسني فيديو لحلقة أحمد آدم كاملة في برنامجه أدم شو، وظهر فيه أحمد آدم وهو يتحدث عن التريند، وقال: "إنك تعمل تريند ده مش شيء صعب في ناس هرشت الزتونة وبقت عارفة التريند بيتعمل ليه.. اعمل اي حاجة شاذة اي حاجة هبل اي حاجة عبط اشتم اي حد هتبقى تريند، والغريبة أنها بتخش على الناس"

وتابع أحمد آدم حديثه بتجربة حية على الهواء، تحدث فيها عن نجم الجيل تامر حسني، تارة بالكلام السلبي وتارة أخرى بالإيجابي، ولكن سرعان ما انتشر الكلام السلبي الذي قاله أحمد آدم عن تامر حسني.

أحمد آدم يضع تامر حسني تحت التجربة

في البداية تحدث أحمد آدم عن تامر حسني بطريقة ايجابية، فقال:  تامر حسني هو فيه زي تامر حسني الراجل من اول ما طلع بيعمل عظمة عامل اغاني مكسرة الدنيا وبيعمل سينما وكريتيف وبيعرف يفكر ويطور من نفسه وبيكتب سيناريو وبيخرج، وبيفكرني بأنور وجدي بل متفوق أكتر منه.

وبعدها تحدث عن تامر حسني بالايجاب فقال: مش كفاية كدا على تامر حسني، هما شويتين وخلصوا، أول لما طلع فتح القميص، وعمل شوية أغاني تعبانة وإسفاف، والأفلام اللي بيعملها وحشة جدًا، ايه اللي يجيبوا لأنور وجدي دا.

تعليق تامر حسني على أحمد آدم

من جانبه علق تامر حسني على انتشار تصريحات أحمد آدم السلبية بهذا الأمر: أستاذ احمد آدم فعلاً بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس و خليتهم يبيعوا مبادئهم و صداقتهم و امانتهم لمجرد ان الناس تعرفهم او تتكلم عليهم و لو ليوم واحد و نسيوا انه لا يصح الا الصحيح عشان ده عدل ربنا … و اي افاقين مع الوقت هتلاقيهم بيختفوا و المحترم الحقيقي هو اللي بيستمر اصل لما نهتم و نرد على كل كداب امال اللي بيحبونا نعمل معاهم ايه؟.

وأضاف: " تابعوا قلوب الناس و المواقع اللي هتاخد كلام الاستاذ احمد السلبي و ينشروه و علموا عليهم عشان تعرفوا حقيقتهم … و الحقيقه ان فعلاً الكلام السلبي هو اللي انتشر".

واختتم حديثه، قائلا: "شكراً استاذ احمد آدم لكلامك و اشادتك الحقيقيه في حقي هي شهاده عظيمه من فنان محترم و كبير بفنه و اخلاقه".