خاص| حودة بندق: لما بسمع الأغنية في الشارع بتأكد أنها نجحت وبتشتم على السوشيال ميديا ومش برد

أعرب المطرب حودة بندق عن سعادته البالغة بتكريمه في مهرجان الأفضل بين الأفضل تحت رعاية راديو في السكة، كما كشف بندق عن مقياس نجاح الأغنية بالنسبة له.

تحيا مصر يرصد لكم تصريحات حودة بندق

تصريحات حودة بندق

وقال حودة بندق في تصريح خاص لموقع تحيا مصر: مبسوط جدًا بتواجدي في المهرجان والإذاعي شادي محمد أخ كبير ليا وبحبه جدًا وبقوله مبروك علة المهرجان وأن شاء الله دايمًا في تقدم.

وعن نجاح أغنيته الجديدة التي تحمل اسم كان ليا حبايب قال حودة بندق: الأغنية دراما وبعيدة كل البعد عن الشكل الشعبي، والحمدلله نجحت وكانت الـ 26 على العالم وفي معظم الدول العربية، وأنا مبسوط بالشكل الجديد اللي قدمته.

حودة بندق: لو سمعت الأغنية في الشارع بعرف أنها نجحت

وقال حودة بندق أنه يقيس نجاح الأغنية بعد سمعها من الجمهور وليس بعدد المشاهدات، وأوضح: أنا أهم حاجة اسمع الأغنية في الشارع ولو سمعتها في الشارع أعرف أن هي نجحت  حتى لو جايبة مشاهدات قليلة على اليوتيوب.

وتابع: ولو على الأرقام أنا عندي أغاني حققت مشاهدات كبيرة جدًا، وفي  أغاني تخطت الـ 250 مليون والأرقام عادي مش مستاهلة.

حودة بندق: بتشتم على السوشيال ميدا ومش بحب أرد

كما تحدث حودة بندق عن التريند وتعامله مع السوشيال ميدا وقال: أنا مليش في السوشيال ميديا أوي وبتشتم كتير ومش بطلع أرد على حد ومش بحب الكلام الكتير على السوشيال ميديا والتريند بشكل عام.

آخر أعمال حودة بندق

الجدير بالذكر أن آخر أعمال حودة بندق هي أغنية كان ليا حبايب والتي طرحها عبر قناته بموقع الفيديوهات الشهير يوتيوب خلال الفترة الأخيرة، وحققت الأغنية نجاحًا كبيرًا، وأتت كلمات الأغنية: قربت أتعود عالوحدة اللي انا فيها خلاص وبشوف الناس كلها وحده ومفيش احساس بطلت امسك في اللي يسيبني وبفارق كل اللي تاعبني ومبقتش انا بزعل على حاجه ودا أكتر احساس طمني كان ليا حبايب فارقوني ما تخيلتش يوم يسبوني بس اتعودت على فراقهم كان ليا حبايب والدنيا فجأه خدتهم مني في ثانية وما وقفتش الايام يعني وجابت مطرحهم ناس تانيه بطلت اتعشم بزياده ولا اقول غاليين والضربه اللي بتوجع ما عرفش هتيجي من مين بطلت ازعل ولا بضايق ما بقاش فارق مين هيفارق بقى بالنسبه لي اللي يسيبني ما بخدش في نسيانه دقايق كان ليا حبايب فارقوني ما تخيلتش يوم يسبوني بس اتعودت على فراقهم كان ليا حبايب والدنيا فجأه خدتهم مني في ثانية وما وقفتش الايام يعني وجابت مطرحهم ناس تانيه.