لمياء الأمير: اعتزلت عشان اتفرغ لبنتي وكنت رافضة دوري في العصيان لأنه قليل

كشفت الفنان لمياء الأمير سبب اعتزالها التمثيل أول مرة، مشيرة إلى أنها قررت التفرغ لتربية ابنتها خاصة أنها كانت تدرس في كلية التجارية ومعهد التمثيل في نفس الوقت.

تحيا مصر يرصد في ذلك التقرير تصريحات الفنانة لمياء الأمير في كلام الناس

لمياء الأمير: الناس بتفتكرني بدوري في العصيان رغم رفضي ليه في الأول

قالت لمياء الأمير خلال برنامج كلام الناس المذاع على قناة mbc مصر:  اشتغلت فيلم أنا قبل الاعتزال، واشتغلت معاه المواجع مع محمود ياسين، ومكنتش معترضة على دور العصيان لكن لقيت الفلوس متدنية فرفضت بعدها المسلسل وقف وبعتولي تاني قولتلهم المشهد صغير وكدة قالي الناس في الشارع هيقولولك ناهد الغرباوي وفعلا لحد دلوقتي الناس بتفتكرني بمسلسل العصيان.

وتابعت: المؤلف من كتر ما حس إن الدور بتاعي واخد حيز من المسلسل كتبلي مشهد بيني وبين محمود ياسين لبساله أبيض في أبيض عملولهالي مجاملة.

لمياء الأمير تكشف سبب اعتزالها

وتطرفت لمياء الأمير بالحديث عن سبب اعتزالها، فقالت: اتجوزت أول ما دخلت الكلية وبعدها بنتي خدتني شوية فاعتزلت عشانها، مفيش حد قالي اعتزلي حسيت إن بنتي محتجاني أكتر وإن لازم أقعد معاها شوية رغم أن ماما كانت شيلاني كتير.

وتابعت: وأما فضيت رجعت لـ أم كلثوم كلمتني إنعام محمد علي وقالتلي عايزة طارق الأمير قولتلها وأنا رانيا الأمير قالتلي انتي ممثلة قولتلها ايوة وبعدها اختارتني في دور صفية أخت أحمد رامي.

لمياء الأمير ضيفة شرف في فاتن أمل حربي

من ناحية أخرى ظهرت الفنانة لمياء الأمير كضيف شرف في مسلسل “فاتن أمل حربي”، الذي تم عرضه ضمن السباق الرمضاني 2023، محققا نجاحات ساحقة خلال فترة عرضه خاصة بعد القضية الجدلية الذي ناقشها.

وشارك في بطولة فاتن أمل حربي كلا من النجوم نيللي كريم، شريف سلامة، هالة صدقي، محمد ثروت، محمد الشرنوبي، خالد سرحان، فادية عبد الغني، جيلان علاء، محمد التاجي، يارا جبران، لمياء الأمير، سارة الدهيم، كريم فتحى، والطفلتين فيروز وريتال ظاظا، وتأليف إبراهيم عيسى في أولى تجاربه في الدراما وإخراج ماندو العدل وإنتاج شركة العدل جروب للمنتج جمال العدل