ياسمين عز للرجال: سيب خطيبك بالأيام زعلانة عشان تعرف إنها مخطوبة لراجل قد كلمته

حرصت الإعلامية ياسمين عز على توجيه عدد من النصائح لـ السيدات والرجال بشأن حياتهم الزوجية، تحت شعارها المعتاد أنها تحاول بناء البيوت وليس هدمها.

تحيا مصر يرصد في ذلك التقرير نصائح ياسمين عز للسيدات 

ياسمين عز: البنات بتعمل نفسها رقيقة وحساسة لحد قراية الفاتحة

وتحدث ياسمين عز عن خلافات المرأة والرجل حول تدخل الحموات في اختيار “عفش” منزلها، حيث قالت: قبل قراية الفاتحة مبتسمعلمهش حس وعايزة تشيل مامتك على راسها شيل وتقولك هتجبهم يخطبوني امتى ويوم قراية الفاتحة وشها في الأرض وصوتها مش طالع وبتتكلم لجوة من كتر الرقة والاحساس وكل حاجة لحماتها حاضر وعندك حق.

وتابعت: ويوم أما تنزلوا تنقوا العفش تلاقيها بتكلمك وتقولك محدش يختارلي الفرش بتاعي ومامتك لو نازلة مش هنزل وخليها تقعد معاك في البيت ومش متجوزة وتقفل في وشك ومتردش عليك وأما تتصل بمامتها تقولها دي نامت وهي قاعدة جوة بتاكل في الأوضة وبتلجأ  كل الطرق الممكن عشان تقنعك برأيها.

ياسمين عز للرجال: الست عايزة تاخدك من والدتك وتخسر بخاطرها

وأضافت: بتلجأ للشعارات المعتادة متجوزاك انت مش مامتك وأنا عايزة أحس إني متجوزة راجل بجد مش تابع لحد، وكأن رأيها رأي مهم جدا في الأمم، وعايزة أبقى كيان مستقل وهي هنا عايزة تاخدك من ولدتك .. وهكذا لحد مانت تنفذ اللي في دماغها وتخسر بخاطر أمك الحنونة.

ياسمين عز: متضعفش قدام خطيبته وسيبها زعلانة بالأيام

واستكملت حديثها بنصيحة للشباي، فقالت: إياك تضعف وتتراجع وتخلي كلمتها تمشي عليك وخليها تزعل يوم أو يومين ووقتها هتعرف إنها مخطوبة لراجل عند كلمته وأول ما تحس إنك شاري أمك اللي انت اصلا بتاعها وإنها بتضيع منك هتلاقيها لوحدها بتكلمك وتقولك هات مامتك تختار العفش معايا.

ليه مش واثقة في ذوق الست اللي شكلت خطيبك اللي مخبياه عن صحابك البنات.. حماتك مش بتنزل معاكي عشان تفرض رأيها أو تسترخض أو تجبلك حاجة أي كلام، هي في الأول والأخر عايزة تجيب أحسن حاجة لابنها، هي خبرة وعارفة ايه الحلو وايه الوحش فنصيحتي ليك متخلقيش صراعات مبكرة مع حماتك لأن تاني أحلى حاجة في الدنيا بعد جوزك هي حماتك ويا بخت اللي حماتها راضية عنها.