عصام عمر: مفيش حاجة اسمها بطل.. ولو فيه دور تاني دور تالت هعمله

كشف الفنان الشاب عصام عمر أنه لن يتمسك دائمًا بدور البطل بعد نجاح مسلسل “بالطو”، وذلك خلال لقاءه اليوم ببرنامج “الراديو بيضحك” مع الإعلامية فاطمة مصطفى.

تحيا مصر يرصد تفاصيل تصريحات عصام عمر في الراديو بيضحك

عصام عمر ودور البطل

حيث قال عصام: “أنا ممثل، أنا هعمل أي دور حلو، مفيش حاجة اسمها بطل، فيه حاجة اسمها أن المسلسل دا كان شاب في سني هو اللي بيعمله فأنا اللي عملته”.

وتابع: “فيه دور تاني دور تالت دور رابع هعمله مع أي حد، احنا لو عارفين نفهم الشغلانة بتاعتنا دي، احنا ممثلين احنا بنعمل شخصيات في الحياة”.

تفاصيل مسلسل “بالطو”

مسلسل بالطو بطولة عصام عمر، محمود حافظ، محمد محمود، عارفة عبدالرسول، مريم الجندى، عارفة عبد الرسول محمد رضوان، وعدد من ضيوف الشرف أبرزهم وبيومي فؤاد، خالد الصاوى، محمد لطفى، محمود البزاوى، وإخراج عمر المهندس وتدور أحداثه في إطار كوميدى حول مهنة التمريض وما يحدث بدور الرعاية الصحية.

عصام عمر: متوقعتش نجاح بالطو

وفي وقت سابق، كشف الفنان الشاب عصام عمر بطل مسلسل بالطو عن عدم توقعه نجاح المسلسل بهذا الشكل، وذلك من خلال برنامج مساء الإمارات.

وقال عصام عمر: متوقعتش نجاح المسلسل بالشكل ده بس كنت حاسس إننا عاملين شغل حلو. 
وتابع: لكن حاسس دلوقتي بفخر إن الناس فرحانة من قلبها بالمسلسل، والحمد لله الحمد لله دي مش شطارة ده توفيق من ربنا.

لميس الحديدي ترد على منتقدي مسلسل بالطو

ووجهت الاعلامية لميس الحديدي رسالة لمنتقدي مسلسل "بالطو" الذي تصدر التريند بعد إذاعة أولى وثاني حلقاته لكنه تعرض لهجمة من البعض وصلت لمجلس النواب

وقالت لميس الحديدي عبر برنامجها "كلمة أخيرة" الذي تقدمه على شاشة ON" أنا مش هدافع عن المسلسل نفسه فله كتابه وصناعه للدفاع عنه لكن هتكلم في إطار الفكرة العامة المتعلقة بحرية الابداع لاننا مش هنعمل دراما معلبة أو تخص الكائنات الفضائية ماينفعش نشيل كل القضايا ونحط حواجز للابداع سواء في أي قطاع الاقتصاد أو المخدرات ونتكلم عن مجتمع فاضل يعيش في الفضاء في مركبة فضائية لو عملنا كده هتكون دراما ليس لها علاقة بالمجتمع وكلنا تربينا على نجيب محفوظ والعظام".