على طريقة أحداث بالطو.. بيتر ميمي يكشف صعوباته مع كلية الطب: كنت بتضرب وبتهدد بالقتل

كشفت المخرج بيتر ميمي عن معاناته أثناء دراسته في كلية الطب، وذلك تزامنًا مع عرض مسلسل بالطو، والذي يناقش معانأة الاطباء.

تحيا مصر يرصد لكم معانأة بيتر ميمي في كلية الطب

وكتب بيتر ميمي منشور عبر حسابه بموقع التواصل الاجتماعي فيسبوك: بمناسبة مسلسل بالطو.. اللى بيحصل فى المسلسل كان بيحصل زمان بالظبط، أنا استلمت تكليف سنة ٢٠١٢ على اساس انى طبيب ثالث فى إحدى الوحدات الصحية فى البدرشين.

بيتر ميمي: لاقيت نفسى مدير الوحدة ومفتش الصحة وأنا عندي 24 سنة

وتابع: و للاسف الوحدة كان فيها تصدع فى المبنى و كنا فى اوضتين (حرفيا اوضتين) تبع الجمعية الشرعية، و للاسف الطبيب الثانى كان عنده امتحانات ماچستير و خد اجازة، و للاسف الطبيب الاول و مدير الوحدة كان زهق من الليلة كلها و راح مستشفى تانية ، و للاسف بعد اسبوعين فى الوحدة لاقيت نفسى مدير الوحدة و مفتش الصحة و انا عندى ٢٤ سنة! و مش عارف منين يودى فين!.

وأضاف: مفتيش الصحة مسئول عن المواليد و الوفيات و التطعيم و الطوارئ و الجراحة و الباطنة و الختم (و الختم و الختم ده اهم حاجة قالولى ده لو اتسرق منك هتتسجن).

معاناة بيتر ميمي مع كلية الطب

وكشف عن بعض المواقف التي تعرض لها وقال بيتر: كان بيعدى عليا حاجات غريبة مرة واحدة دخلت عليا قرصها عقرب و جايبة فى ايديها العقرب و يوم جالى واحدة مشربة بنتها اللى عندها اسبوعين لبن جاموسة و مرة روحت اعاين جثة و اطلع شهادة وفاة و الجنازة اكنك فى فيلم الهروب.

بيتر ميمي: اضربت واتهددت بالقتل

واستكمل: مرة اتخانقت مع اهل مريض و الممرضة قالتلى متجيش بكرة علشان دول ناس صعبة ممكن يقتلوك !! و مرة عيان لاقانى بدور على مشرط فخرجلى موس من بقه قالى اشتغل بده! و مرة حد ضرب حد بسكينة و اهله مسكونى ضربونى انا علشان مش لاقيين الواد اللى ضربه بالسكينة!

واختتم بيتر ميمي قائلًا:  ده انا اضربت ضرب مخدهوش جدى فى فيلم بوحة! كل ده و عندى ٢٤ سنة! كنت babyboy يعنى!.