أمينة خليل: حياة الفنان تحت الأضواء أكتر والناس بتحكم من غير ما تفهم

كشفت الفنانة أمينة خليل عن طريقة معاملتها مع الانتقادات، كما كشفت أمينة خليل أن حياة الفنان تكون تحت الأضواء أكثر من غيره لذلك يتعرض للانتقادات أكثر.

تحيا مصر يرصد لكم تصريحات أمينة خليل

وقالت أمينة خليل في تصريحات تليفزيونية: المواقف بتخليني أواجه نفسي أكتر، وكل واحد بيقابلني في حياتي بيكون مرآية ليا وبيعرفني نفسي أكتر ويعرفني مشاكلتي فين.

وأضافت أمينة: طريقة تعاملي في المضايقه مختلفة، مش بحس نفسي عصبية،  بس الواحد لازم يبقى عارف إني أقدر أكون جملة توجع اللي قدامي، بس لما يبقى الواحد عارف إن الحتة دي جواه لازم يعرف يتعامل بيها.

أمينة خليل: عمري ما كنت عصبية بس ممكن أوجع حد بشياكة

وتابعت: أنا عمري ما كنت عصبية بس ممكن أوجع حد بشياكة وكل واحد لازم يبقى عارف نفسه ويواجه الحاجات الوحشه اللي جواه.

واستكملت أمينة: الحاجات اللي جواكي بتأثر على الناس اللي حواليكي والناس لازم تبقى عارفة شخصيتها الحلوة والوحشة.

أمينة خليل: حياة الفنان بتبقى تحت الأضواء ومشاكله بتابن أكتر

وأضافت: في ناس بتحكم وبتبقى مش فاهمة وأنا مع أن الشخص يفهم الأول وبعدين يقول وجهة نظره، وحياة الفنان بتبقى تحت الأضواء ومشاكله بتابن أكتر، وممكن صاحبتك يبقى عندها نفس المشكلة بس مش بتحكمي عليها وبتحكمي على الفنان.

تصريحات أمينة خليل

وفي اللقاء ذاته، كشفت الفنانة أمينة خليل عن علاقتها بالله، وقالت أمينة خليل خلال أحد البرامج التليفزيونية: رحلتي مع الطاقة بدأت بالدين مع ربنا، والحمد بيديكي طاقة من ربنا، وإنك تذكريه دايمًا، ولما بصلي بحس أن فيه هدوء نفسي بييجي وتواصل مع ربنا وإيجابية.

وتابعت: زمان كنت عايزة كل حاجة ومكتش بلاقي أي وقت لنفسي وكنت بدرس وبشتغل وبخرج مع صحابي وبس، وسن العشرينات بيكون فيه أنانية وبكون عايزة أوصل لهدف وأعيش اللحظة، وانا لما كنت في العشرينات كنت بفكر في نفسي أكتر.

وأضافت: اي بنت بتسافر وتسيب اهلها عشان تدرس بره بيبقى صعب على أهلها وفي العشرينات مكنتش شايفه الحته دي ولو هما كانوا وقفوا في طريقي كنت هضايق وهشوف انهم بيمنعوني إني احقق احلامي، و أنا دلوقتي أنا مقدرش أفكر إني أمشي أو أسافر عشان مقدر ش أسيب أهلي .