أمينة خليل: كنت أنانية وانا صغيرة ودلوقتي مقدرش اسافر وأسيب أهلي

تحدثت الفنانة أمينة خليل عن علاقتها بوالديها، كما كشفت أمينة خليل عن دعم والدتها لها أثناء فترة العشرينات، وكشفت عن بعض الأمور في حياتها.

تحيا مصر يرصد لكم تصريحات أمينة خليل

وقالت أمينة خليل في تصريحات تليفزيونية: زمان كنت عايزة كل حاجة ومكتش بلاقي أي وقت لنفسي وكنت بدرس وبشتغل وبخرج مع صحابي وبس.

وتابعت: سن العشرينات بيكون فيه أنانية وبكون عايزة أوصل لهدف وأعيش اللحظة، وانا لما كنت في العشرينات كنت بفكر في نفسي أكتر.

أمينة خليل: مقدرش أسافر وأسيب أهلي

وأضافت: اي بنت بتسافر وتسيب اهلها عشان تدرس بره بيبقى صعب على أهلها وفي العشرينات مكنتش شايفه الحته دي ولو هما كانوا وقفوا في طريقي كنت هضايق وهشوف انهم بيمنعوني إني احقق احلامي.

وكشفت أمينة خليل: أنا دلوقتي أنا مقدرش أفكر إني أمشي أو أسافر عشان مقدر ش أسيب أهلي .

أمينة خليل: أمي كانت مثال القوة بالنسبالي

وعن مساعدة والدتها لها في مشوارها الفني، قالت أمينة خليل: أمي كانت بتقويني هي مثال بالنسبالي للقوة، وقالتلي أقوي ومتخافيش، والدي ووالدتي لعبوا دور كبير في شخصيتي وكاريري، ووالدتي كانت واعية أني هتهاجم، لازم الأهل يكونوا واعين إنهم يربوا عيالهم يكونوا صحاب من غير كسوف أو هجوم.

تصريحات أمينة خليل

وخلال اللقاء ذاته، كشفت الفنانة أمينة خليل عن علاقتها بالله، كما تحدثت أمينة عن شقيقتها زينة، وكشفت أمينة  بعض الامور في حياتها الشخصية، وقالت أمينة خليل خلال أحد البرامج التليفزيونية: رحلتي مع الطاقة بدأت بالدين مع ربنا، والحمد بيديكي طاقة من ربنا، وإنك تذكريه دايمًا، ولما بصلي بحس أن فيه هدوء نفسي بييجي وتواصل مع ربنا وإيجابية.

وعن شقيقتها زينة قالت أمينة: فخورة بـ أختي زينة وشغلها وهي عندها شغف كبير، وكانت بتتضايق مني لما بمارس عليها دور الأم، ولكن أنا بكون خايفة عليها تمر بالمواقف اللي أنا مريت بيها.

الجدير بالذكر أن أمينة خليل تواصل خلال الفترة الحالية تصوير مسلسلها الجديد الهرشة السابعة، والذي من المقرر أن يشارك في السباق الرمضاني المقبل، ويشارك فيه عدد من نجوم الفن ومنهم: علي قاسم، أسماء جلال، نهى عابدين، وعدد آخر من الفنانين، وهو من تأليف مريم نعوم وإخراج كريم الشناوي.