سحر رامي عن زوجها الراحل حسين الإمام: مفتقدة حياتي بعد رحيله

تحدثت الفنانة سحر رامي عن تفاصيل حياتها بعد رحيل زوجها الفنان حسين الإمام، وذلك خلال لقاءها اليوم ببرنامج "الستات ميعرفوش يكدبوا"، المذاع عبر شاشة تلفزيون قناة سي بي سي.

تحيا مصر يرصد تفاصيل تصريحات سحر رامي في الستات ميعرفوش يكدبوا

حيث قالت سحر: "حسين الإمام بالنسبة ليا جوزي وصاحبي وحبيبي وأبويا، لا يتجزأ بفنه ومزيكته وتمثيله، افتقدت حياتي كلها بعد رحيله ومفتقدة كل حاجة ممكن استمتع بيها في الدنيا، ابتدينا سوا وكبرنا وربينا العيال، أكتر حاجة مفتقداها الحوار، مكناش بنبطل رغي، وأنا قاعدة لوحدي بكلمه، مش مجنونة بس بقول هنا كان هيقول كدا".

قصة حب سحر رامي وحسين الإمام

وعن كيف بدأت علاقتهما، قالت: معظم الإعلانات بتاعتي حسين هو اللي عمل المزيكا بتاعتها، بس مكناش اتجوزنا، هو شافني في إعلان الشراشيب، ومكنش عارف اسمي وقال لوالده أنا عايز اتجوز البنت دي، فكنت بعمل مسرحية مع فؤاد المهندس، وعرف اسمي من أولاده، وجه المسرحية وابتدى يتعرف عليا، وأستاذ فؤاد المهندس اختارني للمسرحية من نفس الإعلان.

تصريحات سحر رامي عن الهجوم عليها

وفي وقت سابق، كشفت الفنانة سحر رامي أنها تعرضت لهجوم شديد، وذلك بعد تقديمها فوازير خلفًا للفنانة القديرة نيللي، كما كشفت عن بعض المواقف التي جمعتها بـ حسين إمام.

وقالت سحر رامي خلال استضافتها في برنامج مساء دي أم سي والتي تقدمه الإعلامية إيمان الحصري والذي يعرض عبر قناة دي إم سي: عملت فوازير بعد الفنانة القديرة نيللى ولكن لقيت هجوم كبير عليا، وكانت لسه فى أول بداية مشوارى الفني، وأضافت سحر رامي: من بعد الهجوم الكبير اللي حصل متعرضش عليا أي فوازير تاني.

حقيقة ارتداء سحر رامي للحجاب

وفي الحاقة ذاتها، وتحدثت سحر رامي عن تفاصيل في حياتها الشخصية، وعن بعدها عن المجال الفني خلال الفترة الحالية، عن شائعة أرتدائها الحجاب

وقالت سحر: مش أنا اللي بغيب يمكن مفيش حد شايفني وبقعد فترات طويلة من غير ما أشتغل ومش أنا السبب هما مش شايفني أو مش على بالهم

وتابعت: أخر حاجة اتعرضت عليا كان من تلت سنين وهو مسلسل رحيم عام 2019، وأنا مش بفكر في الموضوع ولما بتابع الميديا بلاقي ناس أحسن واشطر واكبر مني برضو بيقعدوا فترات كتير من غير ما يمثلوا.