الليلة.. عرض الحلقة 14 من مسلسل أزمة منتصف العمر بطولة ريهام عبد الغفور

تنطلق مساء اليوم الأربعاء الموافق 22 فبراير، الحلقة الرابعة عشر من مسلسل أزمة منتصف العمر بطولة ريهام عبد الغفور على منصة شاهد VIP.

تحيا مصر يرصد موعد عرض الحلقة 14 من مسلسل أزمة منتصف العمر.

قصة مسلسل أزمة منتصف العمر

تدور أحداث مسلسل «أزمة منتصف العمر» حول قصة طبيب نفسي يعاني من أزمات حياتيه، ادت إلى انفصاله عن زوجته، بسبب ادمانها المخدرات، وموت ابنه في أثناء فترة حمل زوجته، فيقرر الزواج من فتاة تصغره في السن لسهولة السيطرة عليها.

مسلسل أزمة منتصف العمر يثير الجدل

وتبدأ أحداث مسلسل أزمة منتصف العمر عندما يتزوج الفنان كريم فهمي، الذي يؤدي دور الطبيب النفسي، من الفنانة رنا رئيس، ومن ثم تظهر الخلافات بينهما بسبب اختلافات وجهات النظر، الناتج عن فارق العمر بينهما.

دعاء فاروق تفتح النار على مسلسل أزمة منتصف العمر

فتحت الإعلامية دعاء فاروق، النار مسلسل أزمة منتصف العمر الذي يعرض حاليا بسبب أحداثه.

وكتبت فاروق عبر «فيس بوك»: «طيب يا جماعة حد مستني النهاية في سواد منتصف النيلة المستنقع اللي بنتابعه.. انا بالنسبة لي وبالاصألة عن نفسي كده جاب الناهية خلاص ... فاضل تلات حلقات أو حتي عشرة دى كلها شكليات، المسلسل خلص والستاير السودا نزلت، موتتوا بصيص الفرحة الوحيد وقتلتوا سرسوب أي أمل كنا مستنيينه يظهر».

وأضافت: «حد يفكرني كده.. هو كريم فهمي كان زعلان إن الناس متضايقة من الأحداث الكحلي اللي بتحصل وبيقول علينا لمؤاخدة لجان !!! ألا هو انت يا كريم كنت عاوزنا نتابع المسلسل ونفرح ؟؟؟ هل كنت مستني الناس تتبسط بالاحداث مثلا ؟؟؟ لا بص يا كريم غالبا حصل عندك لبس في الموضوع.. انت المفروض تتبسط اننا بنتابع.. وتفرح اننا بنتفرج وكفي.. وده قمة النجاح اللي يلزم أبطال العمل إن المسلسل متشاف وشكرا.. تمثيلكم كلكم رائع وشكرا.. ومحدش قال انكم مش بتمثلوا هايل كلكم بتلعبوا في الاهلي يا سيدى.. وبعد الحلقة 12 اللي بليتونا بيها انت وريهام ورنا رئيس ورشدى المهدى وعمر السعيد تقدروا تحترفوا في ليفربوول بجدارة.. إنما مفهمتش هل انت كنت عاوز الناس تشكر في الأفعال غير المبررة اللي بتعملها الشخصيات الحزينة دى ؟؟؟ منين جبتوا الثقة دى مفهمتش حتي لو موجودة في الدنيا.. حد قالك أن احنا بنسقف لهم ؟؟!».

وتابعت: «ماحنا عارفين والله العظيم أن المجتمع فيه أمراض نفسية وأفعال كتير غير مبررة والدراما ممكن تنقل ده ... بس لما نتفرج على الأفعال المريضة اللي وراها أمراض نفسية متلتلة لازم الناس تستنكر وتضايق وتكتب وترفض وتشجب وتنتصر للافعال السوية وللناس الاسوياء ... كريم اتضايق جدا أن بعض الناس قالوا أن فيه زنا محارم وهم لسه مشافوش المسلسل لآخره ... طيب احنا اسفين يا كريم ... طلع زنا بس ... المفروض الناس تسقف يعني للعلاقة غير السوية اللي بين فيروز وعمر ؟!!!! ماتسيبوا الناس ترفض يا اخي براحتها هي بترفض عمر غير السوي اللي خرب الدنيا.. الناس ما رفضتش كريم ولا غلطت في كريم ... ما طبيعي الناس ترفض التصرفات غير المبررة وترفض الزنا غير المبرر بين فيروز وعمر وأي محاولات تبرير أو تعاطف من عينة أصلها مش امها، أصله طلقها».

واستكملت :«ده نقوله عند الدكتور النفسي بقي لو ظبطنا نفسنا بنقول كده لأننا هنبقي عاوزين حاجة مش طبيعية تحصل». الطبيعي أن الناس ترفض محاولات النصب لزياد وترفض ضربه لمراته وترفض تصرفات عزت مع فيروز.. ده اكتر واحد مريض نفسي في العيلة بالعملية اللي عملها، وبالسر غير المبرر لما خبي على بنته إن أمها ماتت ... صحيح قطع قلبي في الحلقة 12اللي اتنكدت بسببها وشايفة انها نقلت المسلسل من منطقة الساسبنس لمنطقة سواد غميقة ضايقتنا جدا وقبضت قلبنا وانا هنام متنكدة النهاردة يا أساتذة بسببكم «.

واختتمت حديثها عن أزمة منتصف العمر قائلة: «خدوا انتو النجاح وسيبونا نعبر عن النكد والسواد اللي اتسببتوا فيه.. انبسطوا بالترندات والبوستات والمقالات والفيديوهات حتي لو بتشتم في الأشخاص والأفعال لأنهم لازم يتشتموا كلهم ولا تحبوا بالمرة نسقف سلمي المدمنة ونزرغط لياسمين اللي ماشية تصطاد رجالة كبار ... سيبونا بقي في الوحلة اللي وحلتونا فيها مش عارفين نخرج من #مستنقع_منتصف_النيلة».