خاص| هند عاكف: رفضت أعمال اتعرضت عليا عشان عايزة اقدم رسالة معينة للمجتمع المصري

كشفت الفنانة هند عاكف عن سبب غيابها خلال الفترة الأخيرة عن الأعمال الدرامية، وتحدثت عن امكانية مشاركتها في السباق الرمضاني المقبل 2023، موضحة هند أنها رفضت العديد من الأعمال التي عرضت عليها خلال الفترة الأخيرة.

تحيا مصر يرصد لكم تصريحات هند عاكف

وقالت هند عاكف في تصريح خاص لموقع تحيا مصر أنها لن تشارك في السباق الرمضاني المقبل، موضحة أنها رفضت العديد من الأعمال خلال الفترة الأخيرة.

وأوضحت سبب غيابها عن جمهورها وقالت:  أنا بعدت 10 سنين عن الفن،  ورجعت تاني ولسه برجع تاني والناس بتعرف هند عاكف مين وأن شاء الله قريب هرجع أقوى.

هند عاكف: بعض الأعمال اتعرضت عليا في رمضان ورفضتها

واستكملت هند: في بعض الأعمال اتعرضت عليا في رمضان بس أنا رفضتها عشان أنا عايزة أرجع بعمل من الأعمال اللي الجمهور بتاعي بيحبني فيها، عشان لما تيجوا تكرموني يبقى استحق التكريم ده مش مجرد تكريم وخلاص.

هند عاكف: عايزة أقدم رسالة للمجتمع المصري

وكشفت هند عاكف: أنا بحب كل الأدوار الحلوة المركبة وعايزة أقدم دور فيه رسالة للمجتمع المصري.

تصريحات هند عاكف

كما تحدثت هند عاكف عن الجدل الثذي أثير حول فستانها في مهرجان القهرة السينمائي وقالت في تصريحات خاصة لـ موقع تحيا مصر: مندمتش خالص على فستان المهرجان العكس أنا سعيدة جدًا، ومفيش حاجه اسمها ندم هند عاكف مبتعرفش الندم، والندم ده بيأخر وده شئ وحش جدًا وطالما أنا عملت حاجة ومقتنع بيها اوعى تندم عليها أبدًا، أنا افتخر بالنجوم وزملائلي الفنانين والأساتذة الكبار وبحب اكرمهم لأنهم يستحقوا وأنا اتعلمت منهم.

هند عاكف: أنا بحب اكرم زمايلي

وتابعت: أنا بكرم زمايلي والنجوم الي اتعلمنا منهم لكن بطريقتي الخاصة، زي النجم محمد صلاح لما بيحطوا صورته على التيشيرتات دول بيبقوا عايزين يعملوا تريند؟ أو حاجة وحشه لمحمد صلاح أكيد لا هما بيفتخروا بيه، و أنا بعمل تريندات محترمة أنا مش لازم ، وانا مش بحب اعمل تريندات مش محترمة ولو في تريند فعال وكويس ومحترم إيه المشكلة.