شيرين رضا: لو الست اتجوزت راجل عشان معاه فلوس هيخونها

كشفت الفنانة شيرين رضا عن رأيها في الخيانة الزوجية، وخيانة الرجل بشكل خاص، وذلك خلال لقائها اليوم ببرنامج ab talks مع الإعلامي أنس بوخش.

تحيا مصر يرصد تفاصيل تصريحات الفنانة شيرين رضا مع أنس بوخش

حيث قالت: "الست ممكن تتجوز راجل خاين، وهتضطر تقبل لو عايزة تتجوز، ولو اتجوزت واحد عن حب وتفاهم وصداقة عمره ما هيخونها، لكن لو اتجوزت عشان تهرب من بيت أهلها أو عشان معاه فلوس هيخونها".

شيرين رضا: خيانة الرجل متوقعة

وعن خيانة الرجل قالت: كلنا متوقعين الراجل يخون، خيانة الرجل متوقعة ومش بخرف، خيانة الرجل حاجة عادية أنا بتوقعها، واحنا عودنا الراجل على كدا، احنا بنديله حقوق عشان هو راجل، فلما يكبر هياخد حقوقه وأكتر.

تجربة شيرين رضا مع الزواج

وفي نفس الحلقة، تحدثت الفنانة شيرين رضا عن تجربة زواجها، حيث قالت شيرين: “حاولت أكون زوجة كويسة، وكنت زوجة كويسة، طبخت، مكنتش بنضف عشان مش بحب التنضيف، ولكن بحب المطبخ، ومعنديش مانع أطبخ 3 مرات في اليوم”.

وتابعت: “لكن الحياة مش بتمشي دايما زي ما بنتمناها، عشان كدا منجحش الموضوع.. فكرة الزواج زائفة من وجهة نظري، لأن الجواز حياة مشاركة بين فردين ودا مش بيحصل.. ولا أنصح بالزواج دلوقتي”.

واضافت: “وأنا مش هتجوز تاني عشان مفيش أي حد في حياتي أقدر أقول أن أنا ممكن أتجوزه، عشان تقبل حد موجود بصفة دايمة في حياتك بيحتاج وقت، أنا بقالي كتير لوحدي”.

شيرين رضا: المستشفى عايشة على تبرعاتنا

وفي وقت سابق، حرصت الفنانة شيرين رضا على دعم مستشفى 57357، وطالبت الجمهور بالتبرع للمستشفى من أجل انقائذها، وذلك بعد تعرضها لازمة مالية.

ونشرت شيرين رضا عبر حسابها في موقع تبادل الصور والفيديوهات  انستجرام مقطع فيديو حذرت فيه من الخطر الذي يواجهه المستشفى قائلة: "مستشفى 57357 في خطر حقيقي إنها ممكن تقفل، وإحنا مينفعش نخلي ده يحصل".

وأضافت: مستشفيات عايشة على تبرعاتنا، لازم كلنا نتبرع، أرجوكم مينفعش نخلي صرح عظيم زي ده بيعالج أطفال كتير يقفل في يوم من الأيام".