بتول عرفة: صعب جذب أطفال اليومين دول للمسرح لأن حياتهم كلها تيك توك

حل السيناريست مدحت العدل إلي جانب المخرجة بتول عرفة ضيوف على برنامج “صاحبة السعادة”، الذي تقدمه الإعلامية إسعاد يونس على شاشة dmc.

تحيا مصر يرصد في ذلك التقرير تصريحات مدحت العدل وبتول عرفة عن مسرحية تقدر

بتول عرفة تتحدث عن مسرحية تقدر

وقالت بتول عرفة، معربة عن سعادته بـ عروض مسرحية تقدر، فقالت: احنا ولاد المسرح المدرسي، وكلنا الموضوع بدأ معانا من المسرح بتاع المدرسة وهو اللي طلع مشاعرنا وكان خبر لطيف جدا بالنسبالنا بس كنا متخوفين إحنا هنقول اي وقعدنا كتير نشوف الجيل ده محتاج ايه.

وتابع:  كنا عايزين نقول حاجات كتير اوي في ساعة والطفل بتاع 2023 و2022 صعب إن أنا اجذبه للمسرح لأنه حياته كلها تيك توك وبلايستيشن.

مدحت العدل: كلنا وإحنا أطفال كنا بنروح المسرح

اما عن مدحت العدل، فقال: مصر كلها في الستينيات وإحنا أطفال كنا بنروح المسرح القومي، أنا خريج التوفيقية الثانوية، كان فيها مسرح وملعب أولمبي، أما زورتها ملقتش أي حاجة من دي، وزعلت جدًا، سامي العدل وعادل إمام خريج مسرح المدرسة، وخرجلنا عبد المنعم مدبولي أيضا.

واستكمل:  أول ما يقولوك مسرح مدرسي بتجيب فلاش باك لحياتك كلها، وتشرفت إن هما اختاروني، أول حاجة انت تقدر تبقى كل حاجة، وكل إنسان على قد حاله لازم يحلم، محمد صلاح من نجريج وبقى محمد صلاح العالمي، وكان لازم نقدم هذا النموذج في قالب جمالي، والفنانين طلعوا باساميهم.

تفاصيل مسرحية تقدر

ويعد العرض المسرحي تقدر من بطولة النجوم يسرا، والفنانين أكرم حسني، ومحمد فراج وحنان مطاوع، وأسماء أبو اليزيد، ومحمد الشرنوبي، وأحمد الرافعي، وفريق بلاك تيما، وكورال الشرق، وتأليف مدحت العدل، وإخرج بتول عرفة، والعروض الموسيقية من ألحان إيهاب عبد الواحد وموسيقى ميشال فاضل.

ويتضمن العرض المسرحي العديد من المواضيع الخاصة بتوعية الطفل، ويحضر العرض عدد كبير من رجال التربية والتعليم والفنانين، والمبادرة بالتعاون بين قناة مدرستنا ووزارة التربية والتعليم، وبرعاية الشركة المتحدة، وحققت نجاحات كبيرة خلال فترة عرضها.