رنا رئيس: أهلي بيدعموني وفي ضهري.. وهما أكبر نقاد ليا

كشفت الفنانة الشابة رنا رئيس عن انطباع والدتها وأهلها عن عملها، وذلك خلال لقاءها اليوم ببرنامج “مساء دي إم سي” مع الإعلامية إيمان الحصري.

تحيا مصر يرصد تفاصيل تصريحات رنا رئيس في مساء دي إم سي

حيث قالت “رئيس”:باخد رأي أمي في شغلي، وهي صريحة معايا أوي، وأهلي دايما بيدعموني وفي ضهري، بس هما أكبر نقاد ممكن يبقوا موجودين، لما بيبقى فيه مشهد وحش بيقولولي دا كان وحش".

رنا رئيس والانتقادات

وتابعت: “في الأول خالص مامي كانت تقولي لا كان فيه كذا كان لازم نهديه.. كان فيه انفعال هنا مكنش ينفع يبقى موجود، بس بعد كدا بقت تقول لا المشهد دا كان وحش، ودايما تحسسني أنه عندي أحسن”.

وأضافت: “أنا ممكن أرد على الانتقادات، بس مامي لا، كان فيه بوست محطوط على جروب على فيسبوك، وفجأة لقيت هجوم مش طبيعي، ومن ضمن الكومنتات لقيت واحدة كاتبة هو أنا مشوفتش المسلسل دا بس هي مثلت وحش جدا، فدخلت رديت عليها”.

تصريحات رنا رئيس عن خطيبها في أسرار النجوم

وفي وقت سابق، تحدثت الفنانة الشابة رنا رئيس عن خطيبها يسري، وتفاصيل علاقتها به، وذلك خلال حوارها ببرنامج “أسرار النجوم” مع إنجي علي.

حيث قالت “رئيس”: “هو شبهي، طيب أوي أوي، وراجل وقد المسئولية وعدينا بكل حاجة مع بعض، وهو بيحب شغلي وبيشجعني وبيدعمني”.

وتابعت: “ولو أنا مش واخدة بالي من حاجة بيقولي لا خلي بالك أنتي لازم تبقي أحسن، ولازم تخلي بالك الفترة اللي جاية من كذا وكذا.. وهو بردو بيستحملني لأني بردو سايكو موت، وأنا بردو بدعمه في شغله”.

رنا رئيس وماجد الكدواني

وعن أصعب مشهد واجهها في مسلسل موضوع عائلي 2 قالت: “المشهد اللي كنت بواجه فيه الفنان ماجد الكدواني في الجزء الأول لما عرفت أنه والدي، كان مشهد صعب نفسي، وفي الجزء التاني أخر حلقتين مقدرتش أشوفهم وكانوا صعبين عليا نفسيا”.

كما تحدثت رئيس عن النجم ماجد الكدواني قائلة: “صعب أقول إن فيه حد زي أبويا في الدنيا، لكن الفنان ماجد الكدواني أعتقد أني مقبلتش شخص زيه، هو بني آدم بمعنى الكلمة، تاخذي منه حب وأنا بتعلم منه كل حاجة، ودايماً بينصحني بتقديم الأفضل، وكنا بنتكلم حتى في مشاكل حياتي الخاصة”.