هشام جمال عبر انستجرام: أقرب صحابي اللي بحبهم برج الدلو.. وبحبكوا جدًا

كشف الفنان الشاب هشام جمال عن مدى حبه لأصدقائه أصحاب برج الدلو، وهنأهم بعيد ميلادهم عبر حسابه الرسمي بموقع تبادل الصور والفيديوهات انستجرام.

تحيا مصر يرصد لكم تفاصيل أخر منشورات هشام جمال

هشام جمال: أقرب صحابي اللي بحبهم برج الدلو.. وبحبكوا جدًا

وكتب هشام جمال عبر انستجرام: اكتشفت امبارح ان ٣ من اقرب الصحاب والفنانين اللي بحبهم وبحب اشتغل معاها كلهم برج الدلو، كريم نور ومادي وجلال الزكي.

وتابع: كل سنه وانتو طيبين وبحبكوا جدا جدا، واتبسطنا اوي اوي شكرا يا كريم على اليوم ويا فوفا عالاكل التحفه كالعادة، في غلطة في الصورة، مين يعرف يطلعها؟.

هشام جمال يشيد بـ ليلى زاهر

ويذكر، أن أشاد الفنان هشام جمال بالأداء الغنائي للفنانة ليلى أحمد زاهي، وذلك في الفيديو كليب الأول لها التي طرحتها منذ أيام عبر قناتها بموقع الفيديوهات الشهير يوتيوب.

ونشر هشام فديو كليب ليلى أحمد زاهر عبر حسابه بموقع تبادل الصور والفيديوهات انستجرام، وكتب: مبسوط جدًا بالمستوى الفني لأول تجربه غنائيه لـ ليلى احمد زاهر من كلمات الشاعر محمد حسن ولحن وتوزيع رائعين من الموهوب إسلام زكي ومبسوط وراضي عن مستوى الكليب كمان الحمد لله.

وتابع: مبروك يا ليلى ومبروك للمحترم أحمد زاهر وتستاهلوا كل خير ونجاح  ومبروك لمعين وشركة كروم أول إنتاج لـ ليلى وشكرًا بجد لكل الناس اللي تعبت معانا في الكليب والحمد لله أن ربنا وفقنا.

ليلى احمد زاهر توجه رسالة لـ هشام جمال

كما وجهت الفنانة ليلى أحمد زاهر على توجيه رسالة شكر لـ  هشام جمال وكتبت عبر حسابه بموقع تبادل الصور والفيديوهات انستجرام: أنا ياما قلت أنك دايما بتكون سبب في أي نجاح نجحته أو بنجحه في حياتي بعد ربنا لكن المشروع ده أنا عايزة أشكرك عليه بشكل خاص قدام كل الناس لأني أول ما سمعتك الأغنية عشان أخد رأيك كنت مبسوط وفخور بيا جدًا، لأنك أول واحد وقفني قدام مايك وأول لما طلبت منك أنك تخرجلي الكليب ما ترددتش للحظة رغم أنك كنت مشغول قوي ووراك ٣٠٠٠ حاجة ما شاء الله ومع ذلك مقصرتش معايا ولا مع الكليب لحظة وكل حاجة خدت حقها الحمد الله وده يدل علي انك راجل محترف جداً في الشغل وعلى المستوى الإنساني أخويا وأقرب صديق ليا اللي دايماً بيشجعني وفي ظهري”.

واختتمت: “شكرًا يا هشام على كل لحظة اديتها للكليب ده من جوه قلبك والحمد لله الرسالة الفنية اللي أنت قدمتها في الكليب وصلت لناس كتير الحمد لله شكرًا يا أجدع وأنضف أخ في الدنيا وربنا يكرمك يارب في كل أعمالك الجاية و يارب دايماً ناجح”.