جسمي مكسر وبموت.. ميار الببلاوي تعلن تعرضها لـ وعكة صحية

أعلنت الإعلامية المعتزلة ميار الببلاوي عن تعرضها لوعكة صحية شديدة، مطالبة الجمهور بالدعاء لها بالشفاء العاجل حتى تستطع استكمال أعمالها.

تحيا مصر يرصد في ذلك التقرير تفاصيل الوعكة الصحية لـ ميار الببلاوي

مرض ميار الببلاوي

وكتبت ميار الببلاوي عبر حسابها الرسمي بموقع التواصل الإجتماعي “فيسبوك”: أنا تعبانة اوي بموت من  الكحة وتكسير فى جسمى وصداع  وسخونيه الحمد لله طبعا بس دعواتكم بالشفا علشان ورايا شغل كتير ومش بحب اعطل حد يارب انت الشافى المعافى  اسالك الشفاء الذى لا يغادر سقما ولك الحمد.

ميار الببلاوي وتصريحاتها المثيرة للجدل

جدير بالذكر، أن ميار الببلاوي دائما ما تتصدرالتريند على مواقع التواصل الإجتماعي المختلفة بسبب تصريحاتها المثيرة للجدل، والتي كان من بينها موقف جمعها بـ الفنانة نجلاء فتحي والإعلامية ايناس الدغيدي في رمضان، حيث قالت خلال تصريحات تليفزيوينة، متحدثة عن مشاهدها الجريئة في فيلم ديسكو ديسكو: "الفيلم كله معظمه اتصور في رمضان، وأنا عندي عقدة من التصوير في رمضان رغم أني كنت شابة ولسه بلبس وكده، مشهد المايوه مكنتش عايزاه خالص، وإيناس الدغيدي مرمطتني ومسحت بيا الأرض لما لقيتني جيت بمايوه شورت كده وزعقتلي وقالتلي امشي البسي المايوه التاني”.

وأضافت: مشهدي الجرئ مع عمرو عبد الجليل كنا في رمضان وكنت رافضة أصوره لدرجة دخلت الحمام وفضلوا يخبطوا عليا، كنت مستنيه بس المغرب يأذن كنت بقول حتى لو هعمل حاجة غلط ميكنش في الصيام أكون بس فطرت.

رمضان بتاع الناس الفقراء مش لينا

وفجرت ميار الببلاوي تصريحها الجريء فقالت: “لما رفضت تصوير مشاهدي الجريئة مع عمرو عبد الجليل، في رمضان قعدت أعيط، وكنت صغيرة وقتها حوالي 17 سنة، نجلاء فتحي قالتلي بصي يا حبيبتي رمضان ده معمول عشان الناس الفقراء، والناس الأغنياء بيعملوا نفسهم مبياكلوش عشان قدام الناس الفقراء، يعني من الآخر رمضان بتاع الفقراء بس مش بتاع الناس العادية، إحنا عندنا أكل نصوم ليه؟ قالتلي كده عشان كانت عايزاني أصور المشهد، وقالتلي الموضوع مش محتاج أنك تعطلينا، ومافيش حاجة اسمها رمضان.