ياسمين الخطيب تكشف عن رأيها في وضع فريق نادي الزمالك: سيء وفيه تصرفات غير مسئولة

كشفت المذيعة والفنانة التشكيلية ياسمين الخطيب، عن رأيها في المشكلات التي تواجه نادي الزمالك في الفترة الأخيرة، وذلك خلال لقاءها في موقع تحيا مصر.

تحيا مصر يرصد تفاصيل تصريحات ياسمين الخطيب عن الزمالك

حيث قالت “الخطيب” في تصريحات خاصة لـ تحيا مصر: “ما الأهلي بردو عنده مشاكل بس مش مسلط عليها الضوء، والزملكاوية مش بتشتم اللاعيبة، احنا بندعم، والشعار بتاع سنظل أوفياء على فكرة نابع من سلوك جمهوره، أنه فعلا بيفضل ورا النادي في المحن لغاية ما يقف على رجليه تاني”.

رأي ياسمين الخطيب في وضع فريق نادي الزمالك

وتابعت: “شايفة الفريق وضعه سيء جدًا، وشايفة تصرفات غير مسئولة، ولو بوجه لهم كلمة هقولهم بصوا على الجمهور، اد ايه بيحبكم واد ايه بيدعمكم وواقف جمبكم، وأعتقد لو هما نظروا للجمهور بعين الإنصاف هيقوموا ياكلوا النجيلة”.

واختتمت: “أنا مش بحب تدخل المشجعين في شغل الإدارة والجهاز الفني، يعني بستغرب جدا من الناس اللي بتقول، كان المفروض ينزل فلان، فهو أكيد ليه وجهة نظر”.

أبرز تصريجات ياسمين الخطيب لـ تحيا مصر

وحلت المذيعة والفنانة التشكيلية ياسمين الخطيب ضيفة على تلفزيون موقع تحيا مصر، وأثناء حوارها للموقع أدلت “الخطيب” بالعديد من التصريحات الجريئة عن حياتها الشخصية، وآرائها في بعض الأمور التي تخص الساحة الإعلامية، ومن أبرز تصريحاتها:

ـ لما أكبر أكيد هعمل مليون عملية تجميل

ـ سنة 2022 سنة نحس في حياتي 

ـ أسوأ لحظة في حياتي لحظة وفاة والدي

ـ محبش أعلق على أي زيجة سابقة

ـ فيه 70% من المصريات تعرضن للتحرش، فأنا أكيد من النسبة الأكبر مش من 30% التانيين.. وأنا باخد حقي وقتي بضهر إيدي أو بالشنطة في وشه

تصريحات جريئة لـ ياسمين الخطيب

ـ أنا معنديش رفاهية الانهيار

ـ بعض النساء خائنات إنما أغلب الرجال خائنين

ـ أنا منفعش في الجواز.. أنا محبش الجواز ومبحبش حد ينام جمبي

ـ الناس بتتعامل مع ياسمين عز معاملة أبو حفيظة، وبيتعاملوا مع برنامجها على أساس أنه كوميدي

ـ المتحرش عنده جرأة لحظية بس هو جبان

ـ أنا ليا سابقة مع زوج سابق غيرلي ديكور وشي