عمرو أديب عن فيلم الهامور: ساعتين من الذهول المستمر.. وجرئة غير عادية

حرص الإعلامي عمرو أديب خلال حلقته في برنامج الحكاية المذاع على قناة mbc مصر، على الإشادة بفيلم "الهامور"، والذي يعد أول فيلم سعودي يعرض في السينمات المصرية.

تحيا مصر يرصد في ذلك التقرير إشادات عمرو أديب بفيلم الهامور

عمرو اديب يشيد بفيلم الهامور

وقال عمرو أديب خلال البرنامج: ساعتين من الذهول المستمر.. بتتفرج على حاجة مش هتصدقها، بكلم المنتج بقوله طمني عليك انت لسة موجود، فيه جرئة غير عادية، بتشوف قصة حقيقة وواقع، انت مش بتشوف تجربة سينمائية، انت بتشوف فيلم كامل الاركان وبيطلع فيه كل حاجة، تمثيل هايل واخراج عظيم، وفيه تاتش الأفلام الأمريكية، أنا كنت قاعدة فاتح بوقي طول الفيلم ازاي بيتكلموا بالجرءة دي، والبطل غير عادي، واللي بيعمل دور نصاب غير طبيعي، وبتشوف الانفتاح اللي حصل في السعودية في الفيلم ده.

عمرو أديب عن فيلم الهامور: احساس بالذهول طول مانت قاعد تتفرج  

وتابع عمرو أديب حديثه قائلا: السينما السعودية لو مشيت على نفس الرتم 4 أو خمس سنين كمان هتشوف انتاج غير عادي، ومتقولوش انت بتبالغ روح شوف الفيلم واحساس بالذهور طول مانت قاعد تتفرج، بتحس ان الممثلين دول خبرة في أفلام قبل كدة.. أنا استمتعت.

تفاصيل فيلم الهامور

فيلم الهامور مستوحى من أحداث واقعية فى مدينة جدة  وتدور أحداثه حول "هامور سوا" أشهر محتال في تاريخ المملكة العربية السعودية، حيث شكل رجل الأعمال شبكة من المحتالين لجمع الأموال من المساهمين وتوزيع أرباح وهمية، ليرتفع عدد ضحاياها إلى أكثر من 40 ألف شخص بمبالغ مليار و400 مليون ريال، وذلك من  خلال "حامد"  حارس الأمن الذي تمكن من جمع. ثروة ضخمة متبعًا أحد الأساليب غير التقليدية، بمساعدة مجموعة كاملة من المعارف والأصدقاء، وتنهار مملكته نتيجة فساده هو شركاؤه.

ويخوض بطولة الفيلم كلا من النجوم فهد القحطاني، خالد يسلم، إسماعيل الحسن، خيرية أبولبن وحسام الحارثي وعلي الشريف وفاطمة البنوي والفيلم من إخراج عبدالإله القرشي، وتأليف هاني كعدور وعمر باهبري.