ياسمين عز: الحما هي تاني أحلى حاجة في الدنيا بعد الفرعون والجواز محتاج قلب ميت

وجهت المذيعة ياسمين عز نصائح للسيدات كعادتها، وعن العلاقة بين الرجل والمرأة،  وذلك في برنامجها كلام الناس، والذي يعرض عبر قناة أم بي سي.

تحيا مصر يرصد لكم تصريحات ياسمين عز

وقالت ياسمين عز: العرايس بتروح لمهندس ديكور بيمحر وشها مش بيحطلها مكياج ودي فشخرة على الفاضي ومش لازم تتحولي يوم الفرح عشان لما تغسلي وشك جوزك ميتخضش.

ياسمين عز: العريس والعروسة بيتخانقوا على القايمة وبينسوا المودة والرحمة

كما تحدثت عن الخلافات التي تحدث بين الزوج والزوجة على قائمة الزواج وقالت: العريس والعروسة بيتخنقوا على القايمة وبينسوا المودة والرحمة اللي بينهم  والعفش بيرجع للعروسة تاني متكسر بسبب العند.

وتابعت ياسمين عز: اللي يأتمن على العرض لازم يخاف عليها اكتر ما يخاف من ورقة قايمة، وبتنسوا كل حاجة وتفتكروا شوية كراكيب وتنسوا الرحمة، والمفروض ولا قايمة اللي تزعلكوا من بعض ولو معاه مال الدنيا واخلاقه وحشه هتجري.

وأضافت ياسمين عز: انتي بتنسي انه صرف اللي وراه واللي قدامه عشان يتجوزك، ومش ورقة منقولات اللي هيضمنوا أنه كويس، اخلاقه وأصله اللي هيضمنوا أنه كويس.

ياسمين عز: الجواز دلوقتي بقى محتاج راجل قلبه ميت

وتابعت: الجواز دلوقتي بقى محتاج راجل قلبه ميت والراجل بيكون مضغوط جدًا، وبيبقى مُطالب يجيب ورد وشوكولاته وهدايا وبعد كل ده بتشتري سمك ف ماية، لأن الجواز بطيخة أما تكون حلوة  أو ماسخة ويجي من وراها وجع الدماغ.

واستكملت: فترة الخطوبة الراجل بيتعرض للظغط من العصفورة الغندورة خطيبته، وبتفضل تطلب منه هي وأمها طلبنات كتير وبيخرج من عندهم شعره شايب وطقطق من كتر الطلبات.

نصائح ياسمين عز للحوامل

وسبق ووجهت الإعلامية ياسمين عز مجموعة نصائح للسيدات الحوامل وذلك خلال برنامجها “كلام الناس”، الذي تقدمه على شاشة قناة mbc مصر، قالت ياسمين عز  في البداية: اياكي وانت حامل في أول 3 شهور تقولي لفرعونك مش طايقة اشم ريحتك.. مش طايقة تشمي حلاوة شمسنا الفرعون الصغير الكبير أمال تشمي ريحة شعرك؟ المفرض تقوليله مرتحش ولا يهدالي بال غير لما أشم ريحة نفسك ياحبيبي وتمشي تشمشي في جوزك ريحته ونفسه بالدنيا.

وتابعت: بتتعشي كبدة بحجة انك بتتوحمي وبتتغذي لنفرينوانتي بتصلي الفجر تشمطيلك صوبعين محشي وانت متعشية حلاوة طحنية مفيش حاجة اسمها حموضة في الحمل ياهانم.. الحموضة بتيجي من طفاستك، و فيه ستات تلاقيها بقى تقول لجوزها عايزة أنزل الجيم.. جيم وزومبة ورومبة اي مانتي عايشة طول عمرك بطاية ،عايزة تتعبي وتنهجي ليه وانتي حامل وتقول عشان الطفل يطلع رشيق ومتناسق.