ياسمين عز للحوامل: متقوليش لجوزك مش طايقة أشم ريحتك عشان ريحته ونفسه بالدنيا

وجهت الإعلامية ياسمين عز مجموعة نصائح للسيدات الحوامل وذلك خلال برنامجها “كلام الناس”، الذي تقدمه على شاشة قناة mbc مصر.

تحيا مصر يرصد في ذلك التقرير تصريحات الإعلامية ياسمين عز للحوامل

ياسمين عز للحوامل: امشي شمشي في جوزك ريحته ونفسه بالدنيا

قالت ياسمين عز  في البداية: اياكي وانت حامل في أول 3 شهور تقولي لفرعونك مش طايقة اشم ريحتك.. مش طايقة تشمي حلاوة شمسنا الفرعون الصغير الكبير أمال تشمي ريحة شعرك؟ المفرض تقوليله مرتحش ولا يهدالي بال غير لما أشم ريحة نفسك ياحبيبي وتمشي تشمشي في جوزك ريحته ونفسه بالدنيا.

وتابعت: بتتعشي كبدة بحجة انك بتتوحمي وبتتغذي لنفرينوانتي بتصلي الفجر تشمطيلك صوبعين محشي وانت متعشية حلاوة طحنية مفيش حاجة اسمها حموضة في الحمل ياهانم.. الحموضة بتيجي من طفاستك.

وأضافت: فيه ستات تلاقيها بقى تقول لجوزها عايزة أنزل الجيم.. جيم وزومبة ورومبة اي مانتي عايشة طول عمرك بطاية ،عايزة تتعبي وتنهجي ليه وانتي حامل وتقول عشان الطفل يطلع رشيق ومتناسق.

نصائح ياسمين عز للأمهات لتسمية أبنائها

وتطرقت بنصائحها إلى تمسية الأطفال، فقال: أسماء بلاد الفرنجة او على اسم مامتك وباباكي وتحقيقي احلام في اسم جوزك بدون الرجوع للفرعون دي متنفعش.. كل مولود لازم اسمه يحمل صفة تخص ابوه.

وأضافت: لو محمد تسميه اشرف عشان جوزك أشرف محمد في الدنيا دهب والماس وطيبة واحساس، لو اسلام هتسميها انصاف عشان اسلام دايما مظلوم فننصفه شوية والناس كلها تعرف انه انصاف اسلام واجب علينا كلنا، لو أحمد بنتك اسمها اسعاد عشان تفتكري تجيبي حاجة لجوزك حاجة تسعده، لو عمرو بنتك اسمها حبيبة عمر ولازم انت تتمتعي بصفات الحبيبة، لو محمود بنتك تسميها طيبة.. عشان طول الوقت تفتكري طيبة جوزك محمود وتبطلي عمايلك معاه.

وتحدثت عن محمد بشكل مفصل، فقالت: لو خلفتي ولد سميه أشرف عشان جوزك أشرف محمد في الدنيا دهب والماس وطيبة واحساس لو ولد إجلال محمد عشان تجلي وتفخمي جوزك استاذ محمد لو جبتي  تالت يبقى اسم السيد عشان الناس هتضحك علينا لو سمينا ابننا استاذ فيبقى جوزك السيد محمد.