لؤي: فيه رجالة لازم تتساب والحضن والكلام الحلو سبب نجاح أي علاقة

دخل المطرب لؤي في نقاش قوي مع الإعلامية ياسمين عز حول علاقة الرجل بالمرأة، وذلك خلال حلوله ضيفًا على برنامج “كلام الناس"، المذاع على قناة mbc مصر.

تحيا مصر يرصد في ذلك التقرير تصريحات لؤي عن علاقة الرجل بالمرأة

مشادات بين ياسمين عز ولؤي بسبب تصريحاتها عن الرجالة

قال لؤي خلال البرنامج موجها حديثه لـ ياسمين عز: بسمع كلامك وفيه كلام بيعجبني وكلام لا وزي ما احنا بنشوف إن زي إن الواحدة تعمل ده لازم إحنا كمان نعمل، وفيه نماذج من الرجالة لازم تتساب.

وردت ياسمين عز على تصريحات لؤي، قائلة: مشوفتهمش، ليرد عليها ساخر: يبقى انتي مش عايشة في مصر.

وتابع: الراجل بيعمل حاجات بتقلل من الست اللي قدامه، لتقاطعة ياسمين عز قائلة: متكلمتش عليه.

لؤي: اي فرعون دي أنا نمر في نفسي

واستكمل لؤي حديثه مع ياسمين عز: المساواه بين الاتنين في المشاعر والأحاسيس والعطاء في الحب بيفرق، وممكن يضايقك حاجات متضيقنيش، وبعدين فرعون ليه أنا نمر في نفسي وكل راجل ليه في دماغه لقبه.

وعن عيد الحب، قال: مش هفتكر مراتي في يوم عشان هو عالمي لكن مناسبة لليوم هي مش أقل من حد عشان ميجلهاش هدايا، إحنا حبينا بعض في الجامعة ، يووم فرحنا مكنش فيه أغنية لينا احنا كتبت أغنية هغني ليك.

لؤي: الكلمة الحلوة والحضن سبب في نجاح أي علاقة والراجل لو بيحبك هيغير من نفسه

وأضاف لؤي: الكلمة الحلوة والحضن هما اللي ممكن يكونوا سبب نجاح أي علاقة، لو كل واحد راح قال لمراته إي اللي مضايقه وهي العكس مش هيكون فيه خناق، بلاش بوم وقول ولخص، والراجل لو بيحبك هيغير من نفسه عشانك.

إقرأ أيضا: أحمد السعدني يشارك جمهوره صورة من كواليس مسلسل سره الباتع

وتطرق لؤي بالحديث عن والدته، فقال باكيًا: أول حب في حياة الطفل بتبقى أمه وأخر حب في حياة الأم هي ابنها.. وبتصدم أما الاقي شاب قاعد فترة مشافش أمه، وأمي حبيبي وبموت فيها وأما الواحد بيكبر وبيجيب ولاد هيفهم الأبهات والأمهات دول تبعوا قد ايه عشانه.