منهم ضل الراجل.. ياسمين عز تكشف ثلاث قواعد بعيد الحب

كشفت الإعلامية ياسمين عز عن ثلاث قواعد رئيسية يجب أن تتبعها مشاهدات البرنامج بعيد الحب، وذلك خلال حلقة اليوم عبر إم بي سي مصر. 

تحيا مصر يرصد لكم قواعد ياسمين عز

ياسمين عز: متدوسيش على ضل راجلك برجلك

وقالت ياسمين عز: ١- ضل الراجل

سيبي مسافة بينك وبين جوزك عشان متدوسيش على ضل راجلك برجلك عشان قلبه بيوجعه.

وتابعت: ٢- المنظر الشتوي 
بيجامتين فوق بعضهم وفوقهم روب وطاقية فوق راسك أو زعبوط، في عيد الحب البسي البيجامة على بعض يا مدام بلاش البنطلون بتاع حاجة والبتاع اللي فوق بتاع حاجة تانية ووحدي الألوان.

وأضافت: ٣- قاعدة في الحب 
نظرة المثلث المقلوب وهي تفرع من النظرة الشتوية عكس نظرة لما تبقى قرفانة من حد وتبقى من تحت لفوق تعويضًا عن زغرك طول السنة.

ياسمين عز: الفرعون هيسخطك دبدوب أحمر ويديكي لواحدة تانية

كما حكت الإعلامية ياسمين عز قصة دبدوب البر المسخوط بمناسبة عيد الحب، وذلك خلال نفس اليوم ببرنامج كلام الناس عبر إم بي سي مصر. 

وقالت ياسمين عز: معملتش الغدا وعايزة دبدوب؟.. جداتنا كانت بتعمل شوربة على الدبدوب، مش عاجبك الكلام وبردو عايزة الفرعون هيغضب عليكي ويحدفك بلعنة وهتتسخطي دبدوب أحمر ويروح يديكي هدية لواحدة تانية.

وتابعت: الدبدوب الأحمر أصله زمان كان واحدة ست متجوزة وبتنكد عليه وتقوله هاتلي دبدوب في عيد الحب وجوزها حدفها بلعنة واتحولت دبدوب أحمر صامت.

ياسمين عز للفرعون الصغير الكبير: راسك هدية وعيونك فيونكة 

واقترحت الإعلامية ياسمين عز هدايا على الفرعون الصغير الكبير بمناسبة عيد الحب الذي كان قبل أيام قليلة. 

وقالت ياسمين صبري: اسمع يا فرعون يا تاج الراس يا منبع السكر يا أصل الحلى والغلا يا فرحة حزننا يا نعمة ربنا، راسك هي الهدية وعيونك هي الفيونكة. 

وتابعت: لو عايزة هديها قولها حاضر وهاتلها حفنة تراب من تحت رجلك وحطها في منديل حرير واقفله واربطه بفيونكة، مش هي قبل الجواز بتقولك بموت في التراب اللي بتمشي عليه؟.. الراجل عنده قلبين قلب في رجله وقلب في صدره.