الراجل المصري عسل وبيعلي شأن الست بس احنا مش لاقيين رجالة.. أبرز تصريحات دومينيك حوراني

حلت الفنانة دومينيك حوراني ضيفة على برنامج أنا سعيد والذي يقدمه الإعلامي سعيد جميل ويعرض عبر قلة القاهرة والناس، وتحدثت دومينيك عن الرجل المصري وغازلته، كما تحدثت عن البرامج الاجتماعية النسائية.

تحيا مصر يرصد لكم أبرز تصريحات دومينيك حوراني

ونستعرض لكم أبرز تصريحات دومينيك حوارني في برنامج أنا سعيد

-الراجل هو عمود البيت واللي شايل كل حاجة، ويعمل كل طلبات الست، وهو يعمل كل حاجة هي نفسها فيها.

-الراجل اتولد عشان يسعد الست اللي معاه وهو يعطي حقوقها وبعدين يأخذ كل للي هو عايزه، وبعدها مش هيشوف أي نكد خالص.

-الرجل لازم يرفع من مستوى حياة الست وبعدين يطلب اللي هو عايزه.

- الراجل المصري عسل وبيقول كلام زي الفل، وهو بيعلي الست وبيرفع شأنها وحبه ليها بيترجمه بمساعدتها، وبيوصلها للي هي عايزاه.

-الراجل النكدي هدلعه وأبوسه وفي ثانية أخليه يفك والراجل أصلا محتاج دلع وحنان وخلاص، الكتالوج بتاعه سهل جدا.

-الراجل اللي بيرتبط بسيدتين في نفس الوقت مش هحترمه، وهيبقى نصاب، مجنون، فيه حاجة مش طبيعية وهيعلن إفلاسه قريبا، ومش هيبات في البيت هي كفاية واحدة.

-البرامج الاجتماعية النسائية في كام واحده معقدين نفسيا طالعين بيحاربوا الستات عشان ياخدوا اللقطة وفيها تحريض وبيبوظوا المجتمعات.

- الست مش واخدة حقها وشأنها في المجتمع احنا مظلومين وكمان مش عندنا رجالة كافية ومش لاقيين رجالة.

دومينيك وعامل النظافة

وسبق وشاركت الفنانة دومينيك فيديو لها رفقة عامل النظافة، صاحب واقعة كشري التحرير، الذي اشتهر بشكل واسع على مواقع التواصل الاجتماعي في الفترة الأخيرة، وظهر مع عدد كبير من نجوم الفن وأصبح اسمه الاكثر تداولا بينرواد السوشيال ميديا.

دومينيك لعامل النظافة: أنت فاشل في كل حاجة

وظهرت دومينيك وهي تؤدي بعض التمارين الرياضية، رفقة صاحب واقعة كشري التحرير لكنه فشل بها، لتدخل دومينيك في هسترية ضحك، قائلة: انت فاشل في كل حاجة ولا كشري ولا نيلة، انت مش وش نعمة، وعلقت دومينيك على الفيديو الذي شاركته عبر حسابها الرسمي بموقع التواصل الاجتماعي فيسبوك: محمد كشري التحرير داخل يتمرن معايا.