ويجز ينتقد قيام الناس بتصويره دون علمه: أنتوا ناس غريبة ليه؟

انتقد مطرب الراب الشهير ويجز قيام الناس بتصويره دون علمه، وذلك من خلال مقطع فيديو له عبر حسابه الشخصي على موقع تبادل الصور والفيديوهات إنستجرام من خلال خاصية إستوري.

تحيا مصر يرصد تفاصيل أحدث منشورات ويجز عبر إنستجرام

حيث قال ويجز في مقطع الفيديو: الناس اللي بتصور تيك توك، كفاية تيك توك والنبي، الناس بتقعد تصور كل حاجة في الدنيا.. أنا ماشي عادي مش بتشقلب ولا بقف على إيدي، ليه تصورني منك لنفسك وأنا معرفكش، انتوا ناس غريبة ليه؟.

ويجز يوجه نصيحه لجمهوره

وفي وقت سابق، حرص مطرب الراب أحمد علي الشهير بـ “ويجز”، على توجيه نصيحة للجمهور عبر حسابه الرسمي بموقع التواصل الإجتماعي فيسبوك، ربطها الجمهور بواقعة فيديو الفعل الفاضح على إحدى الكباري.

كتب ويجز عبر حسابه الرسمي بموقع التواصل الإجتماعي “فيسبوك”: محدش احسن من حد لحد لما نقابل ربنا مانعرفش ناس بتخش الجنة ف كلب وناس بتخش النار ف قطة الرحمة هنشوفها لما نرحم بعض.

تصريحات ويجز عن مصطفى كامل

ومن ناحية أخرى، أكد مطرب الراب الشهير ويجز على أنه لا توجد خلافات بينه وبين نقيب المهن الموسيقية الفنان مصطفى كامل، وذلك خلال مداخلة هاتفية له ببرنامج "التاسعة" المذاع على شاشة تلفزيون قناة "الفضائية المصرية".

حيث قال ويجز: "أنا حاسس إن مفيش أي زعل وهو الراجل طلع قال إن مفيش أي زعل، وفعلا يعني حاسس إن الموضوع كله بتبقى بس ناس عايزة يعني تفتعل مشكلة علشان تبقى بتتفرج علينا بنتخانق مع بعض، معرفش بصراحة، بس أنا لحد دلوقتي مفيش أي مشكلة من ناحيتنا ولا أي مشكلة من ناحية النقابة”.

تامر حسني يشيد بـ ويجز

وعلى الصعيد الآخر، حرص الفنان تامر حسني على دعم مطرب الراب الشهير ويجز قبل حفله اليوم الأحد ضمن نهائي كأس العالم 2022، الذي من المقرر أن يحييه بين الشوطين الأول والثاني لـ مباراة فرنسا والأرجنتين.

ونشر تامر حسني عبر حسابه الرسمي بموقع تبادل الصور والفيديوهات انستجرام من خلال خاصية “ستوري”، صورة له رفقة ويجز في بداية تألقه فنيا، وعلق عليها، قائلا: ربنا معاكي يحبيبي.. عايزين نولع الدنيا.