عزة بهاء تروي تفاصيل أزمتها مع مخرج شهير ادعى زواجهما عرفيًا| تفاصيل

كشفت الفنانة عزة بهاء عن السبب وراء إدعاء المخرج عادل صادق زواجه منها عرفيًا، وذلك خلال حوارها اليوم ببرنامج “الستات”، مع الإعلامية سهير جودة.

تحيا مصر يرصد تفاصيل تصريحات عزة بهاء في برنامج الستات

حيث قالت: “كان بيحبني وعرض عليا الزواج، وأهلي كانوا مش مقتنعين، وعشان فرق السن وحاجات تانية، لكن هو أفتكر أن كدا ممكن أنه يورطني”.

سبب عدم تنوع أدور عزة بهاء

وفي الحلقة ذاتها، كشفت عزة بهاء عن السبب وراء عدم تنوع أدوارها، فقالت: “لما عندنا حد بينجح في شخصية معينة يبتدوا يجيبوه على طول في نفس الشخصية، فهو دا اللي حصل، يعني أول ما طلعت كنت البنوتة الرقيقة أو الهانم عجبتهم فضلوا يرشحوني فيها”.

وتابعت: “حاولت في الليل وأخره مع مدام رباب أخرج شوية عن إطار الأدوار اللي أنا متعودة أعملها، والدور طلع شكله حلو، بس بردو الهانم الشريرة، ومرة عملت كوميدي مع رائد لبيب الله يرحمه وكان مسلسل لطيف مقبول، لكن معرفتش أخرج أوي من الإطار اللي هما حطوني فيه”.

تعاملات عزة بهاء داخل الوسط الفني

واستكملت: “العلاقات العامة والذكاء الفني لما بيبقوا مش موجودين هو دا اللي بيظلم الفنان، أي حد ممكن يبقى عنده موهبة لكن بجانب الموهبة لازم يكون عنده علاقات عامة ومتواجد”.

واختتمت: “لغاية من قريب كنت بتكسف، ولما أدخل الاستديو أدخل على أوضتي على طول، والناس بيقولولي أنتي ليه مش بتدخلي تسلمي وتتكلمي مع الناس، كانوا بيفهموني غلط”.

عزة بهاء: ابني الراجل الوحيد اللي في حياتي 

وفي وقت سابق، أكدت الفنانة عزة بهاء على صحة تصريحاتها بشأن عدم التفكير في الإرتباط مرة أخرى، وذلك خلال لقائها ببرنامج “كلام الناس” مع الإعلامية ياسمين عز، كما تحدثت عن نجلها لأول مرة.

وقالت عزة بهاء: الكلام ده صحيح، وأنا بحب كلبتي جدًا، وابني الراجل الوحيد اللي في حياتي بصدق وقفلت باب الجواز وحرمت.

وعن شائعات زواجها من مخرج ما، قالت: كل ما بعمل مسلسل وينجح بيطلع عليا إشاعة وبقعد بعدها في البيت، وكنت برد الأول ودلوقتي لا، وأردفت متابعة عن عدد زيجاتها: اتجوزت مرة واتوفى، ومرة تانية واتطلقنا.