عزة بهاء تكشف تفاصيل زيجاتها والسبب وراء وقوع الانفصال| فيديو

تحدثت الفنانة عزة بهاء عن تفاصيل زيجاتها السابقة، والسبب وراء وقوع الانفصال في كل زيجة، وذلك خلال حوارها اليوم ببرنامج “الستات”، مع الإعلامية سهير جودة.

تحيا مصر يرصد تفاصيل تصريحات عزة بهاء في برنامج الستات

حيث قالت عزة: “مش كل الناس بتقدر تفهم طبيعة شغل الفنان، وكنت دايما بختار البيت، والتوفيق في الأخر بيبقى من عند ربنا، قد أكون أنا متعبة شوية، أو مش أحسن حد، وأنا دايما بدي كتير، وفجأة مش بلاقي النتيجة اللي أنا عايزاها، أقوم واخدة موقف”.

عزة بهاء وتجربة الزواج

وتابعت: “وكنت بكرر تجربة الزواج على أمل يطلع شخص كويس، والمشكلة مش بتبقى في اللي قدامي، المشكلة بتبقى أنا بختار بمقاييس معينة والظاهر أن هي غلط ”.

واضافت: “والاختيار مرة كان بالقلب ومرة كان بالعقل، أول تجربة مع خالد بركات اللي كان متجوز نيللي كانت بالقلب وكنت صغيرة، وحبيته واقتنعت بيه، وبعد كدا كان ليا تجربة كانت إلى حد ما فيها قلب وعقل لكن بردو موفقتش فيها”.

وعن الأمور التي تلفت نظرها إلى الرجل قالت: “مش حاجة معينة هي بتيجي بظروفها، وأحيانا بتبقى بشخصية اللي قدامي، ممكن يبقى حد دمه خفيف، دماغه كويسة وبيفكر، ومفيش مقياس معين”.

عزة بهاء عن نشوى مصطفى: هي صحبتي وحبيبتي

وفي وقت سابق، تحدثت الفنانة عزة بهاء عن حقيقة وجود خلاف لها مع الفنانة نشوى مصطفى بسبب دور ما، وذلك في لقائها ببرنامج “كلام الناس” مع الإعلامية ياسمين عز.

وقالت عزة بهاء: نشوى دفعتي وصحبتي ومن شبرا هي حبيبتي، وعمري ما أنا أوهي ما عملناها، بس يمكن أنا في “بوابة الحلواني” اعتذرت وهي اشتغلته.

عزة بهاء في برنامج كلام الناس

وعن حصرها في أدوار الهوانم، قالت: حصروني في الأدوار دي، والشخصية الوحيدة اللي خرجت فيها عن الدور ده في مسلسل الليل وأخره، وكنت ببقى مضايقة وبقولهم الفنان بيعمل كل الأدوار وبعد شوية لاقيت إن دي شغلة المخرج.

وعن الدور الذي ترك بصمة مع الجمهور، قالت: الأنسة كاف أول دور شهرني وبعديه في بيتنا رجل وهوانم جاردن سيتي، الناس كانت بتبقى فرحانة بيا عشان كنت لسه جديدة، وأنا كنت سعيدة جدًا بده.