سوسن بدر عن محمود رشاد: مصدقة أن عنده حاجة كويسة

كشفت الفنانة سوسن بدر عن تفاصيل بداية معرفتها بالمخرج محمود رشاد، وذلك خلال حوارها اليوم ببرنامج “صاحبة السعادة”، مع إسعاد يونس.

تحيا مصر يرصد تفاصيل تصريحات سوسن بدر عن محمود رشاد

حيث قالت: “من أول ما عرفته، قالولي دا اللي هيعمل المكياج، وعمل مكياج صعب جدًا، ولما ابتدى يشغل وعملي مكياج لقيته فعلا عبقري، وهو كان صغير جدًا”.

سوسن بدر ومحود رشاد

وتابعت: “لغاية ما لقيته قالي ازاي الحضارة المصرية القديمة بتاعتنا الرائعة دي، مفيش مرة فيلم وثائقي اتكتب عنها مصريين اللي عاملينه، كلهم خواجات، وخلص الموضوع”.

واضافت: “فات كدا شوية لقيته بيكلمني 5 الصبح، قالي تعالي هننزل نصور حاجة، وأنا مش برضى أقوله لا، ومصدقاه أنه عنده حاجة كويسة، فاخدني على كوبري 6 أكتوبر، ابتدى يمسك الموبيل ويصورني، وكانت بداية أم الدنيا”.

بداية محمود رشاد في الإخراج

وفي الحلقة ذاتها، كشف المخرج محمود رشاد عن تفاصيل بدايته في مجال الإخراج، حيث قال رشاد: “أنا اصلا بشتغل ماكيير سينما، قعدت 15 سنة، وأنا متربي في اللوكيشنات، ودي كانت بداية معرفتي بأستاذة سوسن، سنة 2006، كان عندي 21 سنة مثلا”.

وتابع: “وبعدين أنا من 3 سنين ممكن أكون ابتديت أحس أن أنا خلصت اللي ممكن أديه في مجالي، بس مكنتش عارف هعمل ايه، فقعدت فترة بصور فوتوغرافية”.

واضاف: “في مرة كنا بنصور سوسن في المتحف، فقولتلها أنا عايز أعمل فيلم قصير مع الصور نحكي بيه، كتاب الخروج إلى النهار، فقالتلي حلو أوي إخراجك للموضوع فقولتلها إخراج ايه”.

السبب وراء ارتداء سوسن بدر غطاء للشعر في “أم الدنيا”

ومن ناحية أخرى، حرصت الفنانة سوسن بدر على توضيح السبب وراء قيامها بارتداء غطاء للشعر في بعض مشاهد أفلام "أم الدنيا"، حيث كشفت أن ذلك ليس له أي توجه ديني أو سياسي أو فكري، كما أنه لا يعتبر فرض هوية معينة على السيدة المصرية.

وجاء ذلك في بوست نشرته الفنانة سوسن بدر عبر حسابها الشخصي على موقع تبادل الصور والفيديوهات "إنستجرام"، حيث نشرت صورة لها من أحد مشاهد أفلام "أم الدنيا"، وعلقت عليها قائلة: "للتوضيح للجميع، ظهوري مرتدية غطاء للشعر في بعض مشاهد أفلام أم الدنيا ليس له أي توجه سياسي أو ديني أو فكري".